Internet-partał «Novaja Eŭropa» ŭ miežach prajekta «Jeŭrapiejskaje kafe: adkrytaja prastora Jeŭropy» pry padtrymcy Pasolstva Francyi zaprašaje na lekcyju Nikala Verta, jakaja adbudziecca 24 listapada ŭ 17:00 u Art-prastory «CECH» (pr. Niezaležnaści, 58, k. 6).
Adnoj ź pieršych knih pa savieckaj historyi, vydadzienych na ruskaj movie adrazu paśla raspadu SSSR, była kniha francuzskaha historyka Nikala Verta «Historyja Savieckaj dziaržavy. 1900–1991». Dla mnohich byłych savieckich ludziej padychody francuzskaha historyka da vyvučeńnia hramadstva i dziaržavy byli važnaj, novaj i arhumientavanaj infarmacyjaj. Nikala Vert z pačatku 1980-ch hh. zajmajecca adnym z samych traŭmatyčnych i sprečnych pieryjadaŭ savieckaj historyi — pieryjadam stalinizmu. U Biełarusi, jak i ŭ inšych byłych častkach SSSR, da hetaha času iduć sprečki ab tym, što heta byŭ za pieryjad historyi: jaki sens my ŭkładajem u paniaćcie «tatalitaryzmu», jak sumiaścić infarmacyju ab achviarach represij z žadańniem bačyć minułaje svajoj krainy hodnym u roznych sensach, jak siońnia možna raskazvać pra hetaje minułaje?
U svajoj lekcyi «Supraciŭleńnie hramadstva ŭ stalinskim SSSR» Nikala Vert źviernie ŭvahu na aśpiekty «historyi źnizu», nadzvyčaj važnyja dla razumieńnia taho, jak funkcyjanavaŭ i žyŭ «stalinski» Saviecki Sajuz, u jakim hramadstva było nie tolki pasiŭnaj achviaraj represiŭnaj palityki dziaržavy abo madernizacyi, ale i sprabavała supraciŭlacca i reahavać na źmieny. Doŭhi čas savieckaja historyja raskazvałasia jak «historyja źvierchu», ale siońnia ŭ nas užo jość mahčymaść daviedacca nie tolki ab «pravadyrach», ale i ab zvyčajnych hramadzianach, čyje bijahrafii i padziei žyćcia nie mienš cikavyja i važnyja dla razumieńnia minułaha.
PRA LEKTARA
Nikala Vert — viadomy francuzski historyk, śpiecyjalist pa historyi SSSR, prafiesar historyi Instytuta sučasnaj historyi pry Nacyjanalnym centry navukovych daśledavańniaŭ (Francyja), aŭtar šmatlikich publikacyj pa savieckaj historyi.
Mova lekcyi: ruskaja.
Uvachod volny!
Ciapier čytajuć
Kobrynca, jaki zastaŭsia biez nahi paśla vybuchu mašyny, pasadzili za kantakt z žurnalistami. Paśla vyzvaleńnia jon raskazaŭ svaju historyju1
Kobrynca, jaki zastaŭsia biez nahi paśla vybuchu mašyny, pasadzili za kantakt z žurnalistami. Paśla vyzvaleńnia jon raskazaŭ svaju historyju
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1212
Kamientary