U aŭtorak, 10 śniežnia, u kniharni «ŁohvinaŬ» adbudziecca prezientacyja novych knižak na histaryčnuju tematyku. Buduć pradstaŭleny sioletnija vypuski časopisa «Arche» («Palicai i partyzany», «Histaryčnaja palityka i histaryčnaja pamiać Biełarusi», «Achviary i katy»), a taksama kala dziasiatka raniejšych numaroŭ («Vajskovaja historyja VKŁ», «Teror i prapahanda ŭ akupavanaj Biełarusi»,«Płošča 19 śniežnia 2010», «Połacak u prastory i časie», 1950-ja ŭ Biełarusi: «Ad stalinizmu da zastoju».).
Redaktary «Arche» Aleś Paškievič i Valer Bułhakaŭ raskažuć pra knižnyja navinki - ilustravanuju manahrafiju Aleha Łatyšonka i Jaŭhiena Miranoviča «Historyja Biełarusi ad siaredziny XVIII st. da pačatku XXI st.» (370 staronak), daśledavańnie Edmundasa Himžaŭskasa «Biełaruski faktar u adnaŭleńni litoŭskaj dziaržavy (1915–1923)», zbornik publicystyki historyka i movaznaŭca Jana Stankieviča «Za rodnuju movu j praŭdzivy nazoŭ» (742 staronki), «Letapisy i chroniki Biełarusi. Siaredniaviečča i rańniemaderny čas» (903 staronki). Možna budzie nabyć knihu Alesia Biełaha «Chronika Biełaj Rusi: Imahałohija Biełarusi CHII –ChVIII st.»» — adnu z samych papularnych sioletnich knižak na histaryčnuju tematyku, tom Aleha Łatyšonka «Nacyjanalnaść - biełarus», Zbor tvoraŭ Adama Stankieviča «Z Boham da Biełarusi», «Da historyi biełaruskaje litaratury» Antona Adamoviča, Zbor tvoraŭ Adama Babareki,
Sustreča pačniecca 10 śniežnia a 19.00 u kniharni «ŁohvinaŬ» (Miensk, pr-t Niezaležnaści, 37a).
Ciapier čytajuć
ZŠA paviedamili, što vyzvaleńnie palitviaźniaŭ u Biełarusi «adkładzienaje na niekatory čas»18
ZŠA paviedamili, što vyzvaleńnie palitviaźniaŭ u Biełarusi «adkładzienaje na niekatory čas»
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary