Kanfierencyja, pryśviečanaja 150-hodździu paŭstańnia Kalinoŭskaha, — 15 śniežnia

15 śniežnia Hramadzianskaja kulturna-histaryčnaja kampanija «1863» pravodzić kanfierencyju, na jakoj šyrokaj publicy buduć prezientavanyja napracoŭki, kulturnyja artefakty, jakija źjavilisia ŭ miežach kampanii ŭ 2013 hodzie. Takim čynam arhanizataram i kurataram prajekta chaciełasia b jašče raz akcentavać uvahu na takoj važnaj dla biełaruskaj historyi padziei. U prahramie — virtualnyja ekskursii-prezientacyi «Paŭstańnie-1863. Vilejščyna» i «Paŭstańnie-1863. Słonimščyna»; sustrečy-hutarki z aŭtaram i realizataram idei «Komiksaŭ pra paŭstańnie» Anatolem Ivaščankam i Uładzimiram Dryndrožykam, razmova pra knihu Hienadzia Kisialova «Smak Biełaruščyny»; prezientacyja adnoŭlenych paŭstanckich strojaŭ, uručeńnie ekskursijnych materyjałaŭ biełaruskim licenzavanym hidam, a taksama smykovaja muzyka šlachieckich padvorkaŭ siaredziny XIX st. u vykanańni kapeły Alesia Łasia.

Prezientacyja budzie prachodzić u zali kaviarni «Łoft» (P. Broŭki, 22), pačatak u 11.30 (rehistracyja ŭdzielnikaŭ — u 11.00).

Kali vas zacikaviła padzieja i vy chacieli b dałučycca da ŭdziełu, prosim dasłać zajaŭku (u volnaj formie) na adras našaha kaardynatara: [email protected] +375297422040 (Julija Halinoŭskaja)

Prahrama kanfierencyi (papiaredniaja):

11.00 — 11.30 — rehistracyja ŭdzielnikaŭ.

11.30 — 12.00 — ustupnaje słova arhanizataraŭ i kurataraŭ prajekta: Vasil Hryń, Uład Vialička.

12.00 — 12.30 — Viktar Syryca. Anatacyja prajekta «Miłavidskaja bitva — 1863. Pamiać pra paŭstańnie».

12.30 – 13.00 – Cimafiej Akudovič. Virtualnaja ekskursija-prezientacyja «Paŭstańnie-1863. Vilejščyna».

13.00 – 13.20 – smykovaja muzyka šlachieckich padvorkaŭ siaredziny XIX st.

13.20 – 13.40 – kava-paŭza

13.40 – 14.10 — prezientacyja paŭstanckich strojaŭ (fotaprezientacyja – asnova adnaŭleńnia, žyvaja prezientacyja strojaŭ paŭstancaŭ).

14.10 – 14.40 – V. Hryń. Prykład supracoŭnictva inicyjatyŭ: vydańnie knihi H. Kisialova «Smak Biełaruščyny».

14.40 – 15.10 – C. Akudovič i D. Jurčyk. Virtualnaja ekskursija-prezientacyja «Paŭstańnie-1863. Słonimščyna».

15.10 – 15.40 – Anatol Ivaščanka. Komiksy pra paŭstańnie: Ideja i historyja realizacyi. Mastak-hrafik Uładzimir Dryndrožyk – historyja źjaŭleńnia malunkaŭ.

15.40 – 16.00 – uručeńnie kamplektaŭ materyjałaŭ pa ekskursijach biełaruskim licenzavanym hidam.

16.00 – 16.30 – smykovaja muzyka XIX st., niefarmalnaja kamunikacyja.

• 0
• 0
• 0
• 0
• 0
• 0
• 0
• 0