U piatnicu, 28 lutaha, adbudziecca prezientacyja paleskaha numara «ARCHE» ŭ Pružanach i Bieraści.
U abiedźviuch prezientacyjach prymuć udzieł redaktary «ARCHE» Valer Bułhakaŭ i Alaksandr Paškievič, jakija, akramia paleskaha numara, pradstaviać i inšyja niadaŭna vydadzienyja numary «ARCHE», a taksama navinki apošnich časoŭ — daśledavańni Jana Šumskaha «Savietyzacyja Zachodniaj Biełarusi (1944—1953 hh.): Prapahanda i adukacyja na słužbie ideałohii», Siarhija Płachija «Ruski Vaviłon: Damadernyja identyčnaści ŭ Rasii, Ukrainie i Biełarusi»,Edmundasa Himžaŭskasa «Biełaruski faktar u adnaŭleńni litoŭskaj dziaržavy (1915–1923)», knihu Aleha Łatyšonka i Jaŭhiena Miranoviča «Historyja Biełarusi ad siaredziny XVIII st. da pačatku XXI st.», zbornik publicystyki historyka i movaznaŭca Jana Stankieviča «Za rodnuju movu j praŭdzivy nazoŭ», «Letapisy i chroniki Biełarusi. Siaredniaviečča i rańniemaderny čas» (903 staronki). Možna budzie taksama nabyć knihu Alesia Biełaha«Chronika Biełaj Rusi: Imahałohija Biełarusi CHII–ChVIII st.» — adnu z samych papularnych minułahodnich knižak na histaryčnuju tematyku, tom Aleha Łatyšonka «Nacyjanalnaść — biełarus», zbor tvoraŭ Adama Stankieviča «Z Boham da Biełarusi», «Da historyi biełaruskaje litaratury» Antona Adamoviča, zbor tvoraŭ Adama Babareki, a taksama dziasiatki inšych vydańniaŭ.
Pačatak sustrečy ŭ Pružanach – 16.00 pa adrasie: vuł. Savieckaja, 50 (Pružanski pałacyk).
U Bieraści pačatak prezientacyi – 19.00 pa adrasie: vuł. Dvornikava, 63 (Dušpastyrski centr hreka-katalickaj parafii sv. bratoŭ-apostałaŭ Piatra i Andreja).
Ciapier čytajuć
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary