Novaja forma žyroŭki zaćvierdžana ŭ Biełarusi: nasielnictva rychtujuć da admieny subsidyj
Novaja forma žyroŭki zaćvierdžana ŭ Biełarusi. Adpaviednaje rašeńnie źmiaščajecca ŭ pastanovie Ministerstva žyllova-kamunalnaj haspadarki №17 ad 29 žniŭnia 2014 «Ab ustanaŭleńni formy paviedamleńnia ab pamiery płaty za žyllova-kamunalnyja pasłuhi i płaty za karystańnie žyłym pamiaškańniem», jakoje siońnia aficyjna apublikavana na Nacyjanalnym pravavym internet-partale.
U žyroŭkach źjavilisia hrafy «Data, numar damovy na akazańnie pasłuh, najmieńnie arhanizacyi», «Taryfy (ceny), jakija zabiaśpiečvajuć poŭnaje pakryćcio ekanamična abhruntavanych zatrat», «Taryfy (ceny) subsidujucca», «Pamier płaty za pamiaškańnie», «Naličana pa taryfach (cenach), što zabiaśpiečvajuć poŭnuju kampiensacyju ekanamična abhruntavanych zatrat», «Naličana pa subsidavanych taryfach (cenach)».
Pastanova ŭstupaje ŭ siłu paśla jaho aficyjnaha apublikavańnia.
Takaja forma žyroŭki psichałahična rychtuje hramadzian da pastupovaha źnižeńnia i admieny subsidyj na kamunalnyja vydatki.
Urad śćviardžaje, što nasielnictva apłačvaje tolki 27% realnaha koštu kamunalnych pasłuh. Krytyki hetaha mierkavańnia nazyvajuć ličby «ekanamična abhruntavanych zatrat» uziatymi sa stoli i nierealnymi pry toj canie, pa jakoj Biełaruś impartuje haz.
Kamientary