31 śniežnia cana na naftu rezka ŭpała, rasijski rubiel iznoŭ palacieŭ
Rasija atrymała niepryjemny navahodni padarunak. Cana nafty Brent apuściłasia nižej za $56, rasijski rubiel upaŭ pad 60 za dalar, reziervy Rasii skaracilisia jašče na $10 młrd.
Cana na naftu na suśvietnym rynku praciahvała źnižacca. Da 15.20 pa minskim časie cana barela nafty Brent ŭpieršyniu za doŭhi čas apuściłasia nižej za 56 dalaraŭ. Padzieńnie skłała bolš za 3 dalary za dzień. I heta prytym što krainam Zachadu pakul nie ŭdałosia stabilizavać situacyju ŭ Livii, Iraku, a pieramovy ź Iranam jašče nie skončylisia pośpiecham. Kali ŭ 2015-m situacyju na Blizkim Uschodzie ŭdasca stabilizavać, cana moža jašče dadatkova źnizicca na prychodzie novaj iranskaj i livijskaj nafty.
U całkam zaležnaj ad naftahazu Rasii abmienny kurs rubla 31 śniežnia znoŭ apuskaŭsia nižej za 60 za dalar, kab padpadał viečar pryŭźniacca da 58.
Taksama stała viadoma, što zołatavalutnyja reziervy Rasii z 20 da 26 śniežnia źnizilisia šče na $10 młrd, da 388,5 młrd. Heta ŭzrovień 2009 hoda, a z ulikam inflacyi za hetyja hady — i jašče nižejšy.
Ciažkaści pieražyvaje i inšaja dyktatura: u Vieniesuele VUP navat pa zavyšanych aficyjnych źviestkach źniziŭsia na 2,3%, a inflacyja pieravysiła 60%.
Dalejšaje padzieńnie rasijskaj ekanomiki ź niepaźbiežnaściu pryviadzie da novych prablem u finansavaj i ekanamičnaj śfiery ŭ Biełarusi, bo kraina była pryviazanaja da rasijskaha rynku i naftahazavych datacyj.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4848
Kamientary