Litva vydała instrukcyju, jak hramadzianam dziejničać u vypadku rasijskaj ahresii
«Streły ŭ vas za aknom — heta nie kaniec śvietu, — havorycca ŭ instrukcyi. — Zachoŭvajcie jasny rozum, nie panikujcie i dziejničajcie racyjanalna».
Instrukcyi rekamiendujuć hramadzianam ažyćciaŭlać niehvałtoŭny supraciŭ dastupnymi srodkami i nie hublać prysutnaści duchu.
Zachop Rasijaj niekalkich rehijonaŭ Ukrainy prymusiŭ inšyja krainy zadumacca. Najbolš apieratyŭna rychtuje adkazy na patencyjnyja pahrozy Litva.
Siły śpiecyjalnaha pryznačeńnia raspracavali płany reakcyi ciaham 24 hadzin na lubyja sproby destabilizacyi situacyi ŭ krainie. Akramia taho, rychtujucca i płany dziejańniaŭ na vypadak adkrytaha zamiežnaha ŭvarvańnia i akupacyi terytoryi krainy.
U pryvatnaści, Ministerstva abarony krainy raspracavała i pačynaje raspaŭsiud instrukcyj, što rabić zvyčajnym hramadzianam.
«Streły ŭ vas za aknom — heta nie kaniec śvietu, — havorycca ŭ instrukcyi. — Zachoŭvajcie jasny rozum, nie panikujcie i dziejničajcie racyjanalna».
Žycharoŭ zaklikajuć pratestavać suprać zamiežnaj akupacyi demanstracyjami i zabastoŭkami «ci, prynamsi, robiačy svaju rabotu horš, čym zvyčajna». Taksama asobna adznačajecca patreba samaarhanizoŭvacca praz sacyjalnyja sietki i internet.
Prezidentka Litvy Dala Hrybaŭskajcie vykazała spačuvańni Ukrainie ŭ suviazi z trahiedyjaj pad Vałnavachaj. Fota sa staronki Hrybaŭskajcie ŭ Fejsbuku.
Paśla Druhoj suśvietnaj vajny litoŭcy naładzili samy efiektyŭny partyzanski ruch siarod usich krain, akupavanych savietami. Uzbrojeny supraciŭ nasiŭ masavy charaktar da 1952 hoda.
Letaś Litva była samym hučnym krytykam dziejańniaŭ Rasii va Ukrainie. Situacyja Litvy adroźnivajecca tym, što ruskich imihrantaŭ u krainie niašmat, mienš za 10%. Ź inšaha boku, Litva miažuje, z adnaho boku, z našaj Biełaruśsiu, jakuju ŭ Vilni razhladajuć jak vasała Rasii, a z druhoha — ź militaryzavanym rasijskim ankłavam Kalininhrada.
Kamientary