Biez ruk, biez noh, ale Nik Vujčyč robić usio — videa z čałaviekam, jaki chutka budzie vystupać u Minsku

15 krasavika ŭ Minsku ŭ «Minsk-Arenie» vystupić suśvietna viadomy matyvatar Nik Vujčyč z prahramaj «Žyćcio bieź miežaŭ» («Life without limits»).

Cana kvitkoŭ ad 300 000 da 2 000 000 rubleŭ.

Źnižka dla invalidaŭ (nie kalasačnikaŭ) u pamiery 30% pradstaŭlajecca pa zapycie pry najaŭnaści dakumientu, što paćviardžaje invalidnaść.

Cana kvitkoŭ dla invalidaŭ-kalasačnikaŭ składaje 920 000 rubleŭ i ŭklučaje ŭ siabie kvitok dla adnaho supravadžajučaha. Zamova kvitkoŭ dla invalidaŭ tut: [email protected].

Nik Vujčyč — cikavy čałaviek. Hałoŭnaje, čamu navučyła Nika dola, — treba trymać hałavu vyšej u lubych abstavinach. Čym ciažejšaje zmahańnie — tym bolšy tryumf.

Historyja žyćcia 33-hadovaha Nika Vujčyča dzivosnaja. Vujčyč naradziŭsia biez noh i biez ruk u siamji sierbskich emihrantaŭ u Aŭstralii. Redkaja chvaroba — sindrom tetraamielii.

Baćki spačatku byli ŭ rospačy, ale rabili ŭsio, kab raźvić dzicia, jakoje mnohim zdavałasia bieznadziejnym. Daktary adnačasova raźvivali jahonaje ŭmieńnie karystacca pratezami i vyžyvać biez pratezaŭ. I ŭsio adno ŭsio dziacinstva chłopca było poŭnaje smutku i depresii: kamu ja treba taki? U 10 hadoŭ jon sprabavaŭ utapicca.

Jość Božaja vola na toje, — vučyli Nika baćki. — I staralisia, kab jon asvojvaŭ usio, toje, što i zdarovyja dzieci. Jak i bolšaść ludziej na Zachadzie, jon šmat padarožničaŭ. Navučyŭsia płavać, katacca na skiejtbordzie, šturchajučysia curubałkam nožki, jaki dała jamu pryroda.

Ale pieradusim baćki staralisia dać chłopcu viedy. Pisaŭ jon, trymajučy ručku palcami svajoj adzinaj usušanaj nožki. Jon atrymaŭ vyšejšuju ekanamičnuju adukacyju (buchhałtarski ŭlik i finansavaje płanavańnie). Choć napačatku jaho navat nie chacieli prymać u zvyčajnuju škołu, «rajana» horada Brysben nastojvała, što takim, jak Nik, miesca ŭ śpiecškole dla invalidaŭ.

Pa miery taho jak jon dabivaŭsia ŭ žyćci pośpiechaŭ, da Nika stała prychodzić upeŭnienaść i radaść. Užo ŭ 17 hadoŭ jon stvaryŭ hramadskuju arhanizacyju «Žyćcio biez kancavinaŭ».

Varta adznačyć, što Niku paščaściła naradzicca ŭ humannym i bahatym hramadstvie. Nik nie ŭstydajecca svajho cieła. Ščyry viernik-jevanhielist, jon staŭ prapaviednikam. I abjechaŭ z propaviedziami roznyja krainy śvietu.

Žyćcio padaryła Vujčyču i vialikaje kachańnie. Viasielle Vujčyča z Kanae Mijachara stała vialikaj radaściu nie tolki dla pary, ale i dla ŭsich tych ludziej, što dapamahali Niku ŭ žyćci. 

A voś karotkamietražny film z udziełam Vujčyča ŭ jakaści akciora:

• 0
• 0
• 0
• 0
• 0
• 0
• 0
• 0