U miežach Dzion frankafonii ŭ Biełarusi budzie arhanizavany pakaz francuzskich filmaŭ 1950—60-ch hadoŭ i fiestyval «Smak Francyi».
Jak paviedamlaje pres-słužba francuzskaj dypmisii, retraśpiektyva filmaŭ projdzie ŭ minskim kinateatry «Rakieta». 25 sakavika tut možna budzie pahladzieć stužku «Žul i Džym» (1961 hod, režysior Fransua Trufo), 26 sakavika — «Pryhažunčyk Sierž» (1958 hod, Kłod Šabrol), 27 sakavika — «Maja noč u Mod» (1969 hod, Eryk Ramier).
Usie filmy demanstrujucca na movie aryhinała z ruskimi subcitrami. Z raskładam pakazaŭ možna aznajomicca na sajcie kinominska.by.
21 sakavika bolš za tysiaču šef-kucharaŭ pa ŭsim śviecie voźmuć udzieł u fiestyvali «Smak Francyi». «U kožnym restaranie-ŭdzielniku padčas viačery buduć ušanoŭvać francuzskuju kuchniu, jaje inavacyi i kaštoŭnaści, jakija jana padzialaje: vytančanaść, smak, kłopat pra zdaroŭje i ekałohiju płaniety», — havorycca ŭ paviedamleńni pres-słužby.
U Biełarusi ŭdzieł u mierapryjemstvie voźmuć minskija restarany «Załaty hrabieńčyk» i Feelini.
Kamientary