Jeŭrapiejski humanitarny ŭniviersitet (EHU) ščyra zaprašaje na prezientacyju knihi historyka i prafiesara Departamienta historyi Hienadzia Sahanoviča «Hrunvald u biełaruskaj historyi: Sproba razboru palityčnaha mifa», jakaja adbudziecca 14 krasavika ŭ Minsku.
Udzielniki mierapryjemstva hetaksama zmohuć nabyć knihu z podpisam aŭtara.
Uvaha! Minskaja prezientacyja knihi i adkrytaja lekcyja prafiesara H. Sahanoviča adbudziecca 14 krasavika (čaćvier) a 17 hadzinie ŭ Minsku ŭ Art-siadzibie pa adrasie pr-t Niezaležnaści 58-430.
Kniha «Hrunvald u biełaruskaj historyi: Sproba razboru palityčnaha mifa» była vydadziena ŭ studzieni 2016 hoda vydaviectvam EHU i pryśviečana bitvie pad Hrunvaldam jak faktu hramadskaj śviadomaści – jaje «paśmiarotnamu žyćciu» ŭ histaryčnaj dumcy i sacyjalnaj pamiaci Biełarusi. Vybitny biełaruski historyk, prafiesar H. Sahanovič pasprabavaŭ vyjavić šlachi i abstaviny pašyreńnia ŭstojlivych ujaŭleńniaŭ pra bitvu 1410 h. u navukovym i publičnym dyskursie, a taksama pakazać ich ideałahičny źmiest i hramadska-palityčnaje pryznačeńnie.
Krynicami dla daśledavańnia pasłužyli vydańni navukovaj histaryjahrafii, navučalnaja litaratura i histaryčnaja publicystyka, a taksama relevantnyja tvory biełaruskaj bieletrystyki. Sabrany empiryčny materyjał analizavany z ulikam šyrokaha mižnarodnaha kantekstu aktualizacyi pamiaci pra Teŭtonski orden, a taksama ŭ suviazi ź ideałahičnymi kanceptami polskaha Hrunvalda i niamieckaha Tanienbierha. Asobnaja ŭvaha pryśviečana praktykam ideałahičnaj instrumientalizacyi bitvy ŭ Savieckim Sajuzie, jakija ŭ mnohim i pradvyznačyli farmavańnie aficyjnaj pamiaci pra bitvu ŭ BSSR. Z daśledavańnia vynikaje, što kompleks idej i pierakanańniaŭ, identyfikavanych u knizie jak biełaruski mif Hrunvaldskaj bitvy, pačaŭ farmavacca tolki ŭ savieckuju epochu.
Jaje vytoki źviazvajucca z dyskursam antyniamieckaj prapahandy ŭzoru Vialikaj Ajčynnaj vajny. Aŭtar spadziajecca, što praca moža dapamahčy šyrokamu kołu čytačoŭ lepš zrazumieć ideałahičnaje pachodžańnie i anachraničnaść simvaličnaha źmiestu asnoŭnaha naratyva pra Hrunvaldskuju bitvu, pašyranaha ŭ siońniašniaj Biełarusi.
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary