«Sovietskaja Biełoruśsija»: Jeŭrapiejskija lidary nie pytajucca dumki ŭłasnych hramadzian
Prezidenckaja hazieta Biełarusi ciešycca pieramohaj jeŭraskieptykaŭ na kansultatyŭnym refierendumie ŭ Niderłandach.
Tam va ŭmovach ahulnaj abyjakavaści (jaŭka 32%) mabilizacyja praciŭnikaŭ pašyreńnia Jeŭrasajuza pryviała da taho, što bolšaść prahałasavała suprać ratyfikacyi pahadnieńnia ab asacyjacyi ES z Ukrainaj.
Vynik refierendumu nie miećmie jurydyčnych nastupstvaŭ, ale budzie mieć nastupstvy palityčnyja. Kiraŭnikam ES pryjdziecca nadavać bolš uvahi tłumačeńniu matyvaŭ i pieraśpiektyŭ supracy z krainami-susiedkami.
Hazieta Administracyi prezidenta «Sovietskaja Biełoruśsija», jakaja adlustroŭvaje aficyjnuju pazicyju Minska, sustreła vyniki plebiscytu ŭ Niderłandaŭ zadavolenaściu.
«Stolki tre' było patracić sił, času i kryvi na praviadzieńnie «jeŭramajdanaŭ», kab atrymać u adkaz hałandski antymajdan, — kpić ahladalnica haziety Nina Ramanava. — Hałandcam da ŭkraincaŭ nijakaj spravy niama, ich tam uvohule mała chto viedaje, hałasavali hałandcy suprać jeŭrabiurakratyi i dyktatu Brusela».
Jana ličyć refierendum pa asacyjacyi z Ukrainaj druhim aktam refierendumu 2005 hoda, kali niderłandcy zabłakavali pryniaćcie kanstytucyi ES. «Idei kanstytucyi [jeŭrapiejskija palityčnyja elity] adraklisia, a voś palityku viali ŭsio tuju ž — bruselecentryčnuju, nie pytajučy dumki ŭłasnych hramadzian».
«Jeŭrasajuz ustupiŭ siońnia ŭ fazu bolš krytyčnaha asensavańnia svajoj ułasnaj palityki, — piša «Sovietskaja Biełoruśsija». — U adnosinach z susiedziami maje adbycca pošuk novaha farmatu adnosin». «Hałandski refierendum pa zusim niaznačnym ukrainskim pytańni pieraviarnuŭ usiu Jeŭropu», — piša biełaruskaja hazieta.
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy25
Kamientary