Stypiendyja Chevening – hłabalnaja stypiendyjalnaja prahrama ŭradu Vialikabrytanii, jakaja finansujecca Ministerstvam zamiežnych spraŭ i partniorskimi arhanizacyjami. Stypiendyja apłačvaje navučańnie va ŭniviersitetach Vialikabrytanii i pryznačanaja dla kandydataŭ, jakija vałodajuć patencyjałam, kab u budučyni stać viadučymi rabotnikami i lidarami dumak. Jak praviła, stypiendyja pryznačajecca na mahistarskija prahramy, raźličanyja na adzin hod. Jana była zasnavanaja ŭ 1983 hodzie i ź ciaham času stała prestyžnaj mižnarodnaj prahramaj. Siońnia stypiendyja dastupnaja dla hramadzian 160 krain, za vyklučeńniem ZŠA i ES. U 2015–2016 navučalnym hodzie stypiendyjantami stali bolš za 1500 čałaviek.
Zajaŭki prymajucca pa lubych śpiecyjalnaściach, chacia isnujuć pryjarytetnyja dla kožnaj krainy. Dla Biełarusi heta:
• Ekanomika, finansy, biznes.
• Žurnalistyka i miedyja-mieniedžmient.
• Palityčnyja, sacyjalnyja daśledavańni i prava.
• Dziaržaŭnaje i rehijanalnaje kiravańnie.
• Kiravańnie ŭ śfiery adukacyi i moładzievych arhanizacyj.
Metavaja aŭdytoryja: śpiecyjalisty 23–45 hadoŭ sa skončanaj vyšejšaj adukacyjaj, aktyŭnaj žyćciovaj pazicyjaj, vałodańniem anhlijskaj movy, jakija majuć dośvied pracy ŭ adnym z paznačanych pryjarytetnych kirunkaŭ albo ŭ inšaj vobłaści, dzie jany prajaŭlali lidarskija jakaści.
Prezientacyja ŭ Viciebsku raskryje dla žycharoŭ horada i rehijona mahčymaści stypiendyi i miechanizm udziełu ŭ konkursie na jaje atrymańnie. Taksama hości mierapryjemstva zmohuć zadać svaje pytańni niepasredna supracoŭnikam Ambasady Vialikabrytanii ŭ Biełarusi.
Sustreča projdzie 19 maja ŭ Vystavačnaj zale Viciebskaha centra sučasnaha mastactva na vuł. Biełabarodava 5. Pačatak a 17:30. Uvachod volny.
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary