Maryja Šarapava pradaje asabniak u Łos-Andželesie za $25 miljonaŭ FOTY
Byłaja zorka tenisa Maryja Šarapava vyrašyła pradać svoj asabniak u prestyžnym rajonie Manchetan-Bič Łos-Andželesa. Dom ź vidam na akijan, ale biez tenisnaha korta.
38-hadovaja byłaja pieršaja rakietka śvietu, pieramožca piaci turniraŭ Vialikaha šlema ŭ adzinočnym razradzie ŭ 2004-2014 hadach Maryja Šarapava razam z hramadzianskim mužam, brytanskim biznesmienam Alaksandram Hiłksam, vyrašyli pradać svoj asabniak u Łos-Andželesie, paviedamlaje The Wall Street Journal sa spasyłkaj na ahientku pa prodažach Siuzam Pieryman z ahienctva Carolwood Estates.
Pavodle ahientki, pryčynaj prodažu stała toje, što para płanuje pravodzić bolš času ŭ Jeŭropie ź siamjoj. U Šarapavaj i Hiłksa jość trochhadovy syn.
Šarapava nabyła ŭčastak ź vidam na akijan za 4,1 miljona dalaraŭ u 2012 hodzie, a zatym zamoviła indyvidualny prajekt doma ŭ architekturnaj firmy KAA Design z Łos-Andželesa. Budaŭnictva było zavieršana ŭ 2015 hodzie.
U bazie ahienctva Carolwood Estates na hety čas dom adsutničaje, ale toje, jak jon vyhladaje, možna daviedacca ź videa, u jakim sama Šarapava pravodzić ekskursiju pa asabniaku.
U domie — prastornaja ŭvachodnaja zała ź vielmi vysokaj stollu i bietonnymi ścienami.
Z haścioŭni, jakaja spałučana z kuchniaj, možna vyjści da basiejna.
Dom maje piać spalnych pakojaŭ. Vanny pakoj kala spalni haspadaroŭ złučany z terasaj.
U padvale znachodziacca dźvie darožki dla boŭlinha.
Na terytoryi taksama abstalavana zona dla barbiekiu. A voś tenisny kort adsutničaje.
Pavodle danych amierykanskaj kampanii ŭ halinie nieruchomaści Redfin, miedyjanny košt žyłych damoŭ u Manchetan-Bič u červieni ŭ paraŭnańni ź minułym hodam pavialičyŭsia na 4,6% i skłaŭ 3,4 miljona dalaraŭ. Adznačajecca, što popyt na elitnuju nieruchomaść u hetym rajonie vyras paśla pažaraŭ u Pacific Palisades na pačatku hetaha hoda.
Pavodle ahientki, Šarapava i Hiłks taksama vałodajuć domam u Fłarydzie.
Chto taki Michaił Miachovič — siłavik, jaki viadzie kanał HUBAZiKa i adkazvaje za prabiŭ ludziej20
Kamientary