U vioscy Novy Dvor Vałožynskaha rajona viečaram 26 žniŭnia hareŭ žyły dom. Uładalniki patušyli jaho da pryjezdu vyratavalnikaŭ.
Vinoŭnikam pažaru staŭ televizar, jaki zhareŭ sam, raskazała Kraj.by inśpiektar siektara prapahandy i ŭzajemadziejańnia z hramadskaściu Vałožynskaha RAČS Natalla Stankievič&
Pavodle asnoŭnaj viersii, z-za karotkaha zamykańnia zahareŭsia televizar, jaki na momant uźniknieńnia pažaru byŭ uklučany ŭ sietku.
Pavodle słoŭ Natalli Stankievič, u vyniku zdareńnia televizar źniščany ahniom. Akramia hetaha, paškodžana ściana na płoščy dvuch kvadratnych mietraŭ, zakuranyja stol, ścieny i majomaść na ŭsioj płoščy pakoja.
— Luby elektraprybor treba vykarystoŭvać u adpaviednaści ź instrukcyjaj pa ekspłuatacyi. Uklučajcie tolki spraŭnyja elektraprybory, sačycie, kab jany nie pierahravalisia. Nie dapuskajcie pierahruzki elektrasietki. Nie pakidajcie biez nahladu ŭklučanyja elektraprybory, zaradnyja pryłady dla mabilnych telefonaŭ i inšyja hadžety, devajsy.
Kali elektraprybor usio ž zahareŭsia, chutka vyklučycie jaho z razietki i nakryjcie ščylnaj ciažkaj tkaninaj, kab spynić dostup kisłarodu. Kali hareńnie nie spyniajecca i vy nie možacie spravicca ź im — terminova vyklikajcie vyratavalnikaŭ pa telefonach 101 abo 112. Pakłapaciciesia pry hetym pra ŭłasnuju biaśpieku i papiaredźcie susiedziaŭ. A lepš za ŭsio zahadzia ŭstanavicie doma aŭtanomny pažarny apaviaščalnik, — skazała Natalla Stankievič.
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń82
Kamientary