U Biełarusi druhi miesiac zapar skaračajuć sumu dziaržaŭnaj dapamohi, na jakuju mohuć raźličvać biełarusy ŭ vypadku śmierci blizkaha svajaka. Kali ŭ minułym miesiacy dapamohu zrezali na 9,7 rubla, to z 1 listapada pačnuć płacić jašče na 16,3 rubla mienš, zaŭvažyŭ Telegraf.news.
Skaračeńnie pamieru dapamohi źviazana z padzieńniem naminalnaj naličanaj siaredniaj zarpłaty. Taja suma, jakuju siaredniestatystyčnamu biełarusu naličvajuć da vyliku ŭsich abaviazkovych padatkaŭ i vypłat, pavodle źviestak Biełstata, źnižajecca druhi miesiac zapar. Suraźmierna pamianšajecca i dapamoha na pachavańnie — pa zakonie jana roŭnaja 100% naminalnaj naličanaj siaredniaj zarpłaty ŭ siarednim pa krainie za pazaminuły miesiac adnosna daty nastupleńnia śmierci.
Takim čynam, z 1 listapada dapamohu na pachavańnie buduć raźličvać, zychodziačy ź siaredniaha zarobku biełarusaŭ u vieraśni. Jana, pavodle źviestak Nacyjanalnaha statystyčnaha kamiteta, za miesiac upała na 0,59% (16,3 rubla) i skłała 2746,4 rubla. Mienavita na takuju finansavuju dapamohu ad dziaržavy mohuć raźličvać biełarusy ŭ vypadku śmierci blizkaha ŭ listapadzie 2025 hoda.
Košt «sacyjalnych pachavańnia» (pakiet rytualnych pasłuh «ekanom kłasa») u haradskim šmatfunkcyjanalnym rytualnym centry Minska zastaŭsia niaźmiennym.
Ceny na pachavańnie i kremacyju ŭ Dziaržaŭnaj rytualnaj słužbie Minska taksama zastajucca niaźmiennymi jaki miesiac zapar, choć i adroźnivajucca ŭ bolšy bok.
Atrymlivać dapamohu na pachavańnie ŭ hrašovaj formie zusim nie abaviazkova. Na hetyja hrošy možna zamović pakiet bazavych rytualnych pasłuh pa sacyjalnych taryfach.
Kamientary