Biełarus byŭ zatrymany ŭ Maskvie i pieradadzieny biełaruskim siłavikam za ŭchileńnie ad słužby
19‑hadovy chłopiec atrymaŭ try miesiacy aryštu za ŭchileńnie ad słužby va Uzbrojenych siłach Biełarusi, piša «Biełka».
Chłopiec naradziŭsia ŭ Ńju-Jorku, i tamu, imavierna, maje amierykanskaje hramadzianstva. Žyŭ i vučyŭsia jon u Biełarusi. U naležny čas staŭ na voinski ŭlik u homielskim vajenkamacie, adnak dva hady tamu vylecieŭ u Izrail, nie źniaŭšysia z uliku, i, pavodle słoŭ jahonaj babuli, viartacca nie płanavaŭ, žyŭ u Izraili.
Paśla niajaŭki pa niekalkich pozvach byli raspačaty pošuki i zaviedziena kryminalnaja sprava pa artykule 435 Kryminalnaha kodeksa «Uchileńnie ad mierapryjemstvaŭ pa pryzyvu na voinskuju słužbu».
U Biełarusi chłopiec nie viartaŭsia, ale vyrašyŭ źjeździć u Maskvu. Jon byŭ zatrymany ŭ aeraporcie Damadziedava pa zapycie biełaruskich siłavikoŭ.
Sud Čyhunačnaha rajona Homiela pryhavaryŭ maładoha čałavieka da troch miesiacaŭ aryštu. Padletak pryznaŭ vinu i raskajaŭsia.
Prakuror udakładniŭ, što hetaje złačynstva adnosicca da katehoryi, jakaja nie ŭjaŭlaje vialikaj niebiaśpieki dla hramadstva. Tamu praz hod z maładoha čałavieka budzie źniata sudzimaść, i jon «znoŭ budzie padlahać pryzyvu ŭ armiju».
Ciapier čytajuć
Pa ŭłaśniku «Softkłuba» Sirotku, jaki siadzić u SIZA KDB, prylacieła i ad Polščy — na jaho kryptabiržu Bynex nakłali sankcyi2
Kamientary