U łaźni spartkompleksu «Łakamatyŭ» adbyŭsia incydent, jaki pakazaŭ, jak daloka mohuć zavieści hrubyja słovy i ałkahol.
Padčas sieansu pamiž dvuma naviedvalnikami ŭźnikła sprečka, jakaja na vychadzie z łaźni pierarasła ŭ bojku sa śmiarotnym zychodam, paviedamlaje Belka.
Mužčyny pierasieklisia ŭ łaźni ŭ kampanii ahulnych znajomych. Adzin ź ich byŭ napadpitku i dazvoliŭ sabie hrubyja vykazvańni, na jakija emacyjna adreahavaŭ 31‑hadovy ŭradženiec Azierbajdžana.
Słoŭnaj svarcy nie dali pieraraści ŭ bojku inšyja naviedvalniki łaźni. Ale paśla sieansu mužčyny znoŭ sustrelisia na parkoŭcy, dzie abrazy praciahnulisia.
Kali ŭ adras niaviesty azierbajdžanca prahučali nieprystojnyja vyrazy, jon nie vytrymaŭ i ŭdaryŭ kryŭdziciela kułakom u hałavu. Toj pachisnuŭsia, zrabiŭ niekalki krokaŭ i straciŭ prytomnaść.
«Ubačyŭšy, što narabiŭ, azierbajdžaniec kinuŭsia na dapamohu niadaŭniamu supierniku. Pačaŭ rabić jamu niepramy masaž serca. Kali pryjechała chutkaja, lekary jašče chvilin sorak pravodzili reanimacyjnyja mierapryjemstvy, ale byli vymušanyja kanstatavać śmierć. Jana nastupiła ad množnych krovaźlićcioŭ u mozh», — raskazaŭ padrabiaznaści staršy pamočnik prakurora horada Homiela Alaksandr Šapavałaŭ.
Zabojca pajšoŭ u Saviecki RAUS i raspavioŭ, jak usio było. Jaho ŭziali pad vartu i raspačali kryminalnuju spravu pa fakcie naŭmysnaha pryčynieńnia ciažkich cialesnych paškodžańniaŭ, jakija paciahnuli pa nieaściarožnaści śmierć paciarpiełaha. Sud Savieckaha rajona Homiela pryznaŭ mužčynu vinavatym i prysudziŭ jaho da piaci hadoŭ kałonii va ŭmovach uzmocnienaha režymu. Taksama jon abaviazany vypłacić baćku zahinułaha 50 tysiač rubloŭ kampiensacyi.
28‑hadovaj biełaruscy paśla žudasnaj avaryi ŭ Tajłandzie nie mohuć akazać dapamohu — niama patrebnaj kryvi1
Kamientary