Biełstat padvioŭ vyniki abśledavańnia, pryśviečanaha tamu, jak biełarusy vykarystoŭvajuć svoj sutačny čas. Abśledavańnie pravodziłasia z krasavika 2024 hoda pa sakavik 2025 hoda i achapiła kala 12000 čałaviek va ŭzroście ad 10 hadoŭ i starejšych. Kožny ŭdzielnik zapaŭniaŭ dziońniki, dzie padrabiazna fiksavaŭ usie vidy dziejnaści na praciahu pracoŭnaha i vychadnoha dnia.
Vyniki abśledavańnia pakazali, što biełarusy, starejšyja za 10 hadoŭ, amal pałovu svajho sutačnaha času — 11 hadzin 35 chvilin — traciać na kłopat pra siabie: son, pryjom ježy, asabistuju hihijenu. Kala vaśmi hadzin idzie na pracu, vučobu, chatnija spravy i dapamohu siamji, siabram ci svajakam. Na volny čas zastajecca ŭ siarednim 4 hadziny 18 chvilin.
U paraŭnańni z vynikami dziesiacihadovaj daŭniny biełarusy stali bolš spać (na 16 chvilin) i jeści (na 4 chviliny daŭžej), ale majuć mienš volnaha času — jaho stała na 18 chvilin mieniej.
Za ŭsio žyćcio siaredni biełarus pravodzić kala 28 hadoŭ u śnie, 13,5 hadoŭ u jaho volny čas (ź ich bolš za 6 hadoŭ — pierad televizaram), 11 hadoŭ na pracy, 4 hady za stałom, 2,5 hady na pryhatavańnie ježy, 1 hod i 7 miesiacaŭ — na prybirańnie i prańnie, i jašče kala 11 miesiacaŭ — na pakupki i pasłuhi.
Daśledavańnie taksama pakazała, što raźmierkavańnie času maje hiendarnyja asablivaści. Ahulnaja praciahłaść pracoŭnaha času ŭ žančyn (płatnaja praca i biaspłatnaja pa domie i dohladzie za siamjoj) zvyčajna bolšaja, čym u mužčyn, što ŭpłyvaje na ich volny čas. Dziesiać hadoŭ tamu žančyny tracili na chatnija spravy ŭ dva razy bolš času, čym mužčyny, ciapier hetaja roźnica skaraciłasia da 1,7 raza.
Dla paraŭnańnia, u siarednim pa śviecie žančyny vykonvajuć chatniuju pracu i dohlad za členami siamji ŭ 2,5 raza bolš, čym mužčyny (zhodna z apošnim hiendarnym ahladam ad struktury «AAN-žančyny»).
Śćviardžajecca, što prahrama i mietodyka biełaruskaha abśledavańnia byli raspracavanyja z ulikam mižnarodnych standartaŭ u hetaj halinie.
Dažylisia: pahałoŭje śviniej u Pskoŭskaj vobłaści ŭ 6 razoŭ bolšaje, čym u Viciebskaj
Pradstaŭnica Akademii navuk raskryła ŭzrovień naradžalnaści ŭ Biełarusi. Jon žachliva nizki
U jakich biełaruskich haradach žyvie bolš za 100 tysiač čałaviek
Nasielnictva Minska nie raście, ale pahladzicie, jak prybaviłasia kolkaść žycharoŭ u Novaj Baravoj i inšym pryharadzie
Čamu ŭsio bolš žančyn ciapier nosiać doŭhija vałasy?
Kamientary