Za karmušku za aknom vas mohuć aštrafavać na 840 rubloŭ. Tłumačyć juryst
Jak by vy ni lubili ptušak i ni imknulisia dapamahčy im vyžyć va ŭmovach miehapolisa, karmuška za aknom moža pryvieści da štrafu.
Namier dapamahčy ptuškam moža abiarnucca administracyjnym štrafam dla žycharoŭ šmatkvaternych damoŭ. Juryst patłumačyŭ, čamu karmuška za aknom — heta nie zaŭsiody dabro, i jak dobry ŭčynak moža parušyć pravy susiedziaŭ, piša 1prof.by.
Realnaja historyja ź Minska nahladna ilustruje hetuju prablemu. Miascovaja žycharka, žadajučy padkormlivać ptušak, arhanizavała dla ich stałovuju prama za svaim aknom. Adnak heta pryviało da kanfliktu z susiedkaj, jakaja paskardziłasia na antysanitaryju i pahražała padać aficyjnuju skarhu.
Jak rastłumačyŭ advakat Minskaj haradskoj kalehii advakataŭ Arciom Sajevič, u padobnych sprečkach sud časta stanovicca na bok tych, kaho nie zadavalniaje blizkaje susiedstva z ptuškami.
Asnoŭny dakumient u takich situacyjach — praviły karystańnia žyłymi pamiaškańniami. Jany abaviazvajuć žycharoŭ vykonvać sanitarna-hihijeničnyja normy i padtrymlivać čyściniu nie tolki ŭ kvatery, ale i na bałkonach, łodžyjach i prylehłaj da doma terytoryi.
— Raźmiaščeńnie karmuški, jakaja pryvodzić da zabrudžvańnia, moža parušać hetyja praviły, — kanstatavaŭ juryst.
Čym pahražaje parušeńnie?
Advakat rekamiendavaŭ minčancy prybrać karmušku, bo za parušeńnie pravił utrymańnia damavoj terytoryi praduhledžana administracyjnaja adkaznaść.
Zhodna z artykułam 22.12 Kodeksa ab administracyjnych pravaparušeńniach, štraf moža dasiahać 20 bazavych vieličyń. Ciapier hetaja suma ekvivalentnaja 840 rublam.
Ciapier čytajuć
Cichanoŭski ŭ Jelskim univiersitecie prapanavaŭ try elemienty stratehii ZŠA nakont Biełarusi39
Kamientary