Biełarusam nie buduć adklučać internet pry ŭjeździe ŭ Rasiju — što źmienicca
Žychary Biełarusi zmohuć paźbiehnuć abaviazkovaj błakiroŭki internietu pry ŭjeździe ŭ Rasiju. Ab hetym zajaviŭ pieršy namieśnik ministra suviazi i infarmatyzacyi Pavieł Tkač na kanfierencyi A1 Tech Day, piša «Točka».
Pamiž Biełaruśsiu i Rasijaj tolki ŭ sakaviku źjavilisia kamfortnyja taryfy. Adnak užo ŭ kastryčniku byŭ uviedzieny sutačny ban dla baraćby z dronami. Raspaŭsiudžvajecca jon nie tolki na zamiežnikaŭ, ale i na rasijskich abanientaŭ, jakija viartajucca z-za miažy.
Tkač zajaviŭ, što ŭ Rasii testujecca novy instrumient — vykarystańnie kapčy. Jana dazvalaje paćvierdzić, ci źjaŭlajecca abanient žyvym čałaviekam.
Minsuviazi ŭžo viadzie pierahavory z kalehami, kab pa miery hatoŭnaści da novaj sistemy padklučali i biełarusaŭ.
Kali heta adbudziecca, to pry ŭjeździe ŭ Rasiju našamu hramadzianinu dastatkova budzie atrymać SMS sa spasyłkaj, pa jakoj treba pierajści.
«Tam budzie, imavierna, vyjava ź ličbami, jakuju vy pavinny ŭvieści ad ruki», — rastłumačyŭ Tkač.
Ciapier čytajuć
U biełaruskija pašparty buduć upisvać hrupu kryvi11
Kamientary
Kab uklučyć internet, treba prajści pa spasyłcy ŭ internecie. Łahična.
Nasamreč heta vierahodna pra toje, što niedzie treba znajści wi-fi. Abo paprasić sustrečnaha rasijanina časova razdać wi-fi, kali takoje dazvalaje taryf.
Suprać dronaŭ heta nie vielmi dapamoža. Kali sms pracujuć, dron moža pierakinuć spasyłku praz sms apierataru drona, toj vyrašić kapču, i internet źjavicca.