Paśla pierapynku ŭ paŭhoda «Ekanamičnaja hazieta» z studzienia 2026 hoda znoŭ źjavicca ŭ papiarovaj viersii, paviedamlajecca na sajcie vydańnia.
Raniej schod akcyjanieraŭ ZAT «Biełbiźniespres», byłoha zasnavalnika i vydaŭca «EH», abviaściŭ pra spynieńnie ź lipienia vypusku drukavanaj viersii. Adzin z zasnavalnikaŭ prajekta Fiodar Vielikasielec tady napisaŭ, što hazieta za 33 hady svaju «misiju vykanała», a ciapier «papiarovym vydańniam ź ich cykłami druku i dastaŭki davodzicca sastupać miesca elektronnym srodkam masavaj infarmacyi».
Potym «Ekanamičnuju hazietu» nabyła adna z kampanij miedyjahrupy Uładzimira Hraŭcova, jakaja zajmajecca ŭ tym liku vypuskam drukavanych i elektronnych časopisaŭ dla buchhałtaraŭ, ekanamistaŭ, jurystaŭ, śpiecyjalistaŭ pa kadrach i achovie pracy. Tady jašče vyrašałasia pytańnie adnosna metazhodnaści adnaŭleńnia papiarovaha vypusku vydańnia.
«Ekanamičnaja hazieta» budzie vychodzić z druku z studzienia 2026 hoda čatyry razy na miesiac. Pry hetym redakcyja abiacaje zachavać fokus na karysnaj infarmacyi dla dyrektaraŭ kampanij, śpiecyjalistaŭ u buchhałtarskim uliku, jurystaŭ, kadravikoŭ i «ŭsich, chto prymaje rašeńni i sočyć za źmienami ŭ dziełavym asiarodździ».
Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka2
Kamientary