Kiraŭnik pamiežnaj słužby Litvy: Režym Łukašenki vykarystoŭvaje złačyncaŭ jak ź biełaruskaha, tak i ź litoŭskaha boku
Režym Alaksandra Łukašenki maje dačynieńnie da patoku mieteazondaŭ z kantrabandaj u Litvu, zajaviŭ kiraŭnik Słužby achovy dziaržaŭnaj miažy Rustam Lubajeŭ, piša Delfi.lt
Pavodle słoŭ načalnika pamiežnaj słužby, dla ažyćciaŭleńnia hetych hibrydnych atak taksama vykarystoŭvajucca złačyncy jak ź biełaruskaha, tak i ź litoŭskaha boku.
«My taksama bačym usio bolš prajavaŭ hibrydnych dziejańniaŭ. Heta nie navina, heta nie pieršy vypadak, kali biełaruski režym arhanizuje hibrydnuju ataku suprać Litvy», — zajaviŭ Lubajeŭ, kamientujučy situacyju z kantrabandaj na mieteazondach.
Pavodle słoŭ načalnika SADM, ciapier Minsk aktyŭna vykarystoŭvaje temu kantrabandy ŭ prapahandysckich metach, abvinavačvajučy ŭ hetych dziejańniach samich litoŭcaŭ.
«Ciapier prapahandysty režymu Łukašenki kažuć pra toje, što ŭsio arhanizoŭvajuć litoŭcy, pryjazdžajuć u Biełaruś. Słuchajučy hetyja repartažy, časam navat stvarajecca ŭražańnie, što litoŭcy ledź nie cyharety na Hrodzienskaj fabrycy vyrablajuć. Nasamreč heta nie tak», — patłumačyŭ R. Lubajeŭ.
Pavodle jaho słoŭ, u hetym vypadku Biełaruś navat abvinavačvaje litoŭcaŭ u roście kantrabandy. Jak zajaviŭ R. Lubajeŭ, režym A. Łukašenki taksama ŭciahvaje złačynnyja hrupoŭki, što zajmajucca kantrabandaj.
«Režym Łukašenki dla dasiahnieńnia svaich metaŭ uciahvaje kryminalnyja elemienty jak ź biełaruskaha, tak i ź litoŭskaha boku. Mienavita tamu my havorym pra baraćbu z tymi hrupoŭkami, jakija zajmajucca kantrabandaj u Litvie ŭ cełym i kantrabandaj na mieteazondach u pryvatnaści», — patłumačyŭ načalnik SADM.
Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka2
Kamientary