U Rasii vyznačyli šort-list słoŭ hoda. Vosiem z dvanaccaci zapazyčanyja z anhlijskaj movy
«Pupupu» moža stać słovam 2025 hoda. Jakija jašče słovy ŭ šort-liście?
Partał «Hramota.ru» pradstaviŭ šort-list z 12 słoŭ, jakija pretendujuć na zvańnie «Słova hoda — 2025». Linhvisty aceńvali słovy, jakija albo źjavilisia ŭ movie, albo nabyli novaje značeńnie i pakazali značny rost užyvańnia ŭ sacyjalnych sietkach, ŚMI i pošukavych zapytach. Hetyja słovy pavinny adsutničać u akademičnych słoŭnikach.
Dla finalnaha śpisu było adabrana 12 słoŭ z bolš čym 500 kandydataŭ.
U šort-list słoŭ 2025 hoda ŭvajšli: «limb», «prajaŭlenaść», «zumier», «red-fłah», «pupupu», «sihma», «imba», «vyharańnie», «prompt», «słop», «brejnrot» i «padśviacić».
Klučavym paramietram adboru staŭ pakazčyk miedyjnaj prysutnaści — nakolki časta słova zhadvałasia ŭ 2025 hodzie.
Samaj jarkaj tendencyjaj stała paŭsiudnaje raspaŭsiudžvańnie kantentu, stvoranaha ŠI. Hetaja tema pradstaŭlena słovami: «brejnrot» (brain rot — stan, kali mozh «hnije» ad lišku biessensoŭnaha kantentu), «słop» (slop — nizkajakasny, chutka zhienieravany ŠI kantent), «prompt» (prompt — zapyt, dadzieny niejrasietcy).
Nazirajecca ekspansija ŭ hutarkovuju movu słoŭ, źviazanych z papularnaj psichałohijaj: «prajaŭlenaść» — zdolnaść čałavieka raskryvać svoj unutrany śviet pierad inšymi, «red-fłah» — pierastała ŭžyvacca tolki ŭ kantekście adnosin i stała abaznačać lubyja tryvožnyja zvanočki ŭ bolš šyrokim sensie.
Niekalki słoŭ pryjšli ź internet-miemaŭ abo kampjutarnych hulniaŭ: «pupupu» (vykličnik) i «imba» (niešta praźmierna mahutnaje).
«Sihma» — słova, jakoje atrymała «druhoje dychańnie» dziakujučy papularnaści pieśni «Sihma-boj».
«Zumier» — razam sa słovam «sihma» adlustroŭvaje patrebu ŭ abaznačeńni novych typažoŭ (jak i letašnija «normis» i «skuf»).
Na zaklučnym etapie zaprošanyja ekśpierty abiaruć adno słova z šort-lista.
Słovam 2024 hoda pa viersii partała «Hramota.ru» staŭ nazoŭnik «vajb». U trojku lidaraŭ tady taksama ŭvajšli «prylot» i «skuf».
Kamientary
"Skuf" napeŭna, samy cikavy vypadak, bo heta vyklučna ruskaje słova, ale jano fanetyčna maskirujecca pad inhliš, inakš u ludziej niama sacyjalnaha pryniacca.
Linhvistyčny karha-kult.