Francyja błakuje płan ES nakont kredytu Ukrainie, chavajučy rasijskija hrošy
Francyja, jakaja źjaŭlajecca druhoj pavodle vieličyni ŭtrymalnicaj zamarožanych aktyvaŭ Banka Rasii ŭ Jeŭrasajuzie, admaŭlajecca paviedamlać Jeŭrakamisii nazvy kamiercyjnych bankaŭ, dzie raźmieščanyja hetyja srodki. Viadziecca pra kala 18 miljardaŭ jeŭra, piša FT.
Hetaja infarmacyja stała krytyčna važnaj u kantekście raspracoŭki Jeŭrakamisijaj płanu ŭ nadańni Ukrainie reparacyjnaha kredytu.
Niahledziačy na toje, što Francyja padtrymlivaje ideju dapamohi Ukrainie, Paryž vystupaje suprać schiemy, jakaja praduhledžvaje vykarystańnie srodkaŭ, zamarožanych mienavita ŭ kamiercyjnych bankach.
Paryž admaŭlajecca raskryć nazvy francuzskich bankaŭ, dzie lažać €18 młrd, jakija naležać rasijskamu ŭradu. Francuzskija čynoŭniki nastojvajuć, što ŭ kamiercyjnych bankaŭ inšyja dahavornyja abaviazańni, čym u depazitaryja Euroclear, havorycca ŭ artykule.
Raniej Jeŭrapiejskaja kamisija prapanavała vykarystać zamarožanyja rasijskija aktyvy dla nadańnia Ukrainie ekstrannaha kredytu ŭ pamiery 210 miljardaŭ jeŭra.
Ciapier čytajuć
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary