Zabituju ŭ Jerevanie čačenku Ajšat Bajmuradavu mahli atrucić, pamirała jana ciažka i doŭha
Było mierkavańnie, što jana sprabavała vybracca z kvatery, sprabavała ŭratavacca.
Zabituju ŭ Jerevanie čačenku Ajšat Bajmuradavu mahli atrucić. Pra heta karespandentcy «Doždia» Valeryi Kirsanavaj raspaviała krynica, blizkaja da śledstva.
Armianskija ŭłady za dva miesiacy tak i nie nazvali mierkavanyja pryčyny śmierci ŭciakački z Čačenii. Pavodle słoŭ dyrektara kryzisnaj hrupy «SK SOS» Davida Iściejeva, cieła Bajmuradavaj znajšli ŭ jejnaj arendavanaj kvatery kala ŭvachodnych dźviarej, futbołka na joj była zadranaja ŭharu.
«Było mierkavańnie, što jana sprabavała vybracca z kvatery, sprabavała ŭratavacca. Pamirała jana ciažka i doŭha. Kvatera była ŭsia ŭ kryvi. I atrymlivajecca, što jejnyja zabojcy siadzieli i čakali, pakul jana pamre», — raskazaŭ pravaabaronca.
«Doždiu» taksama ŭdałosia vyśvietlić, što Karyna Iminava — siabroŭka Bajmuradavaj ź instahrama, paśla sustrečy ź jakoj dziaŭčyna i zahinuła — źjaŭlajecca ŭradženkaj Kyrhyzstana. U źlitych bazach źviestak jość jaje adrasy ŭ darahich žyłych kompleksach u Maskvie, u kantaktach u mnohich ludziej jana paznačana jak eskortnica. Viadoma, što jana sprabavała naładzić kantakty i ź inšymi ŭciakačkami z Čačni.
Pravaabaroncy bajacca, što armianskija ŭłady mohuć «zamiać» spravu ab zabojstvie čačenki.
Ajšat Bajmuradavu znajšli miortvaj u zdymnaj kvatery ŭ Jerevanie 20 kastryčnika.
Zasnavalnica prajekta «Kaŭkaz biez maci» Lidzija Michalčanka zajaŭlała, što mierkavanyja zabojcy mahli zadušyć čačenku i źjechać u Rasiju. SK Armienii tolki praź miesiac zavioŭ kryminalnuju spravu, u zabojstvie padazrajuć dvuch čałaviek, ich imiony nie raskryvajucca, piša «Novaja hazieta Jevropa».
U dzień zabojstva Bajmuradavaj u jaje kvatery ŭ Jerevanie znachodzilisia jaje siabroŭka ź instahrama Karyna Iminava, a taksama 30‑hadovy ŭradženiec Čačenii Said-Chamzat Bajsaraŭ, jakoha abvinavačvali ŭ Rasii ŭ finansavańni «Isłamskaj dziaržavy».
Ciapier čytajuć
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1818
Kamientary
Jak ŚMI mohuć nazyvać jaje zabitaj, kali nie majuć śviedak a pryčynach śmierci?