U Babrujsku 16‑hadovyja nažami žorstka zabili mužčynu

Na miesca zdareńnia vyjechała śledča-apieratyŭnaja hrupa i supracoŭniki kryminalistyčnaha adździeła USK pa Mahiloŭskaj vobłaści. Usie rečavyja dokazy śviedčyli pra kryminalny charaktar — pa fakcie zabojstva 51‑hadovaha babrujčanina było zaviedziena kryminalnaja sprava. Dziakujučy kamieram videanazirańnia supracoŭnikam milicyi ŭdałosia vyjści na śled dvuch 16‑hadovych miascovych žycharoŭ, jakija ŭčynili žorstkuju raspravu, paviedamlaje Dziaržkamitet sudovych ekśpiertyz.

Viečaram 31 sakavika dvoje siabroŭ — navučency kaledžaŭ — pryjechali siudy pazajmacca sparynham na nažach. U peŭny momant ich uvahu pryciahnuŭ mužčyna, jaki znachodziŭsia pad mostam. Padyšoŭšy bližej, jany zrazumieli, što pierad imi taksikaman.

Adzin z chłopcaŭ prapanavaŭ druhomu razabracca z mužčynam i dastaŭ z adzieńnia kišenny nož. Junaki nanieśli paciarpiełamu niekalki ŭdaraŭ nažami, źbili jaho i, kinuŭšy, pajšli. Pa darozie jany pazbavilisia svaich nažoŭ, vykinuŭšy ich u raku. A paśla raźjechalisia pa damach i, niby ničoha nie zdaryłasia, na nastupny dzień vyjšli na zaniatki.

Adzin z abvinavačanych całkam pryznaŭ vinu i raskajaŭsia, druhi ž u chodzie śledstva i ŭ sudovym pasiadžeńni svaju datyčnaść admaŭlaŭ.

Chłopcy nikoli nie mieli prablem z zakonam. Jany mieli siaredniuju paśpiachovaść i viali zdarovy ład žyćcia.

Ad adnakłaśnikaŭ, adnakurśnikaŭ i piedahohaŭ charaktaryzujucca stanoŭča.

U Dziaržaŭnym kamitecie sudovych ekśpiertyz pa dadzienaj spravie praviedzieny šerah sudovych ekśpiertyz. Pavodle vynikaŭ sudova-miedycynskaj ekśpiertyzy na ciele zahinułaha vyjaŭleny šmatlikija kołata-rezanyja rany pravaj pałovy hrudnoj kletki, šyi i hałavy z paškodžańniem unutranych orhanaŭ, dzirkavy pierałom pravaj ciemiannoj kostki, rezanaja rana palca pravaj kiści, jakija mahli ŭtvarycca ŭ vyniku nie mienš čym 19 traŭmatyčnych uździejańniaŭ. Niepasrednaj pryčynaj śmierci stała masiŭnaja strata kryvi.

Pavialičyć

Taksama sudovyja ekśpierty vyjavili, što bijałahičny materyjał z kryvioj, vyjaŭleny ŭ plamach na vopratcy i abutku adnaho z abvinavačanych, z vysokaj stupieńniu vierahodnaści moža naležać paciarpiełamu. Śled ad abutku, znojdzieny padčas ahladu miesca zdareńnia, pakinuŭ krasovak.

U dačynieńni da abvinavačanych byli praviedzieny sudova-psichijatryčnyja ekśpiertyzy. Zhodna z zaklučeńniami ekśpiertaŭ, padletki mahli ŭśviedamlać hramadskuju niebiaśpieku svaich dziejańniaŭ i kiravać imi.

Na padstavie sabranych pa spravie dokazaŭ 16‑hadovym žycharam Babrujska vystaŭlena abvinavačańnie pa p.p. 6, 13, 15 č. 2 art. 139 (naŭmysnaje supraćpraŭnaje pazbaŭleńnie žyćcia inšaha čałavieka hrupaj asob z chulihanskich mierkavańniaŭ, učynienaje z asablivaj žorstkaściu).

Sudovaja kalehija pa kryminalnych spravach Mahiloŭskaha abłasnoha suda prysudziła im pazbaŭleńnie voli na termin 10 i 9 hadoŭ z adbyvańniem pakarańnia ŭ vychavaŭčaj kałonii.

Prysud nie ŭstupiŭ u zakonnuju siłu i moža być abskardžany i apratestavany.

• 1
• 0
• 1
• 12
• 7
• 3
• 11
• 0