Rada World Athletics pryniała rašeńnie nie zdymać abmiežavańni ź biełaruskich spartsmienaŭ, paviedamili ŭ pres-słužbie Biełaruskaj fiederacyi lohkaj atletyki.
Niadaŭna Mižnarodny alimpijski kamitet admianiŭ rekamiendacyi ab abmiežavańniach u dačynieńni da biełaruskich spartsmienaŭ, uviedzienych za saŭdzieł režymu Łukašenki ŭ raźviazvańni Rasijaj poŭnamaštabnaj vajny va Ukrainie ŭ lutym 2022 hoda. Paśla hetaha Biełaruskaja fiederacyja lohkaj atletyki nakiravała zvarot z prośbaj sklikać pazačarhovaje pasiadžeńnie Rady World Athletics.
Biełaruski bok prasiŭ razhledzieć pytańnie dopusku spartsmienaŭ da mižnarodnych turniraŭ, uklučajučy Alimpijskija hulni 2028 hoda ŭ Łos-Andželesie i junijorski čempijanat śvietu 2026 hoda ŭ Judžynie.
Kiraŭnik World Athletics Siebaśćian Kou ŭ adkaz na heta zajaviŭ, što rašeńnie arhanizacyi pieršapačatkova adroźnivałasia ad sankcyj, uviedzienych MAK u 2022 hodzie.
«World Athletics abrała inšy padychod. Rada razhledzieła hetaje pytańnie niezaležna, uzhadniła sankcyi, daviała pryčyny hetaha rašeńnia da viedama hramadskaści ŭ toj čas, u tym liku ŭ piśmovym vyhladzie da vas», — adznačyŭ Kou.
Pavodle jaho słoŭ, mnohija mižnarodnyja fiederacyi sapraŭdy pierahladajuć svaje abmiežavańni ŭśled za MAK, adnak World Athletics vyrašyła zachavać ułasnuju pazicyju.
U Biełaruskaj fiederacyi lohkaj atletyki zajavili, što majuć namier praciahnuć baraćbu pa viartańni svaich spartsmienaŭ na mižnarodnuju arenu.
Jašče adnu biełaruskuju spartyŭnuju fiederacyju viartajuć da mižnarodnych spabornictvaŭ
Ź biełaruskich barcoŭ źniali ŭsie abmiežavańni na mižnarodnaj arenie
Jašče adna mižnarodnaja fiederacyja źniała abmiežavańni ź biełarusaŭ
Mižnarodnyja fiederacyi lohkaj atletyki i tenisa pakul nie buduć zdymać abmiežavańni ź biełarusaŭ
Kamientary