Kala Biełaha doma adbyłasia pierastrełka, sakretnaja słužba likvidavała napadnika
U Vašynhtonie niepadalok ad kompleksu Biełaha doma adbyłasia stralba. Pavodle aficyjnaj infarmacyi Sakretnaj słužby ZŠA, nieviadomy mužčyna dastaŭ z sumki zbroju i adkryŭ ahoń u rajonie skryžavańnia 17‑j vulicy i Piensilvanija-avieniu.
Supracoŭniki viedamstva adkazali sustrečnym ahniom i paranili padazravanaha. Napadnika dastavili ŭ balnicu, dzie miedyki kanstatavali jaho śmierć.
Padčas incydentu taksama ciažkaje ahniastrelnaje ranieńnie atrymaŭ vypadkovy minak, jaki zaraz znachodzicca ŭ balnicy. Siarod samich ahientaŭ Sakretnaj słužby paciarpiełych niama.
U momant pierastrełki prezident Donald Tramp znachodziŭsia ŭnutry Biełaha doma. Terytoryju kompleksu terminova zabłakavali, a žurnalistaŭ, jakija pracavali na Paŭnočnaj łužyncy, evakuiravali ŭ zału dla bryfinhaŭ, zahadaŭšy lehčy na padłohu.
I was in the middle of taping on my iPhone for a social video from the White House North Lawn when we heard the shots. It sounded like dozens of gunshots. We were told to sprint to the press briefing room where we are holding now. pic.twitter.com/iqdQwh4soq
Vidavočcy paviedamlajuć, što ŭsiaho prahučała ad 15 da 30 strełaŭ.
Pravaachoŭnyja orhany ŭžo vyznačyli asobu napadnika — im akazaŭsia 21‑hadovy Nasir Best, jaki apošnija paŭtara hoda žyŭ u Vašynhtonie.
Vyśvietliłasia, što junak užo mieŭ prablemy z Sakretnaj słužbaj. Letam minułaha hoda jaho dvojčy aryštoŭvali za sproby pierakryć i prajechać na mašynie na darohu da Biełaha doma, paśla čaho sud zabaraniŭ jamu nabližacca da rezidencyi prezidenta.
Śledčyja vyjavili, što Best publikavaŭ u sacsietkach dziŭnyja zajavy, nazyvajučy siabie «sapraŭdnym Usamam ben Ładenam», i vykazvaŭ žadańnie naškodzić Donaldu Trampu, adnak raniej nikoli nie prajaŭlaŭ fizičnaj ahresii.
Hety napad adbyŭsia mienš čym praź miesiac paśla inšaha hučnaha zamachu na Trampa.
U kancy krasavika na viačery Asacyjacyi karespandentaŭ u hateli Washington Hilton 31‑hadovy Koŭł Tomas Alen adkryŭ stralbu ŭ faje i byŭ abiasškodžany achovaj. Ciapier jamu pradjaŭleny abvinavačańni ŭ sprobie zabojstva prezidenta ZŠA.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4949
Kamientary