U Rasii supracoŭnicy bara, što zrabiła «kaljan na kuličy», dali realny termin — try hady
Nie dapamahło i toje, što baćka dziaŭčyny i jaje brat pajšli na vajnu.
Sud u Maskvie vynies prysud 27‑hadovaj Ksienii Biełavusavaj. Dziaŭčyna była pryznana vinavataj u «abrazie pačućciaŭ viernikaŭ» i asudžana na 3 hady i 25 sutak kałonii ahulnaha režymu. Jaje ŭziali pad vartu ŭ zale suda, paviedamlajuć rasijskija ŚMI.
Prakuror zapytaŭ dla dziaŭčyny krychu bolš — 3 hady i 2 miesiacy pazbaŭleńnia voli. Da hetaha dziaŭčyna ŭžo mieła ŭmoŭny termin za zachoŭvańnie 5 hramaŭ miefiedronu. U suviazi z hetym prakuratura paprasiła admianić umoŭny termin i šlacham składańnia pakarańniaŭ pryznačyć realnaje pakarańnie ŭ kałonii.
U svaim apošnim słovie 27‑hadovaja Ksienija Biełavusava prasiła sud abmiežavacca štrafami, płakała i nastojvała na tym, što sama źjaŭlajecca viernicaj, a siamja padtrymlivaje vajnu suprać Ukrainy:
«Ja sapraŭdy pryznała svaju vinu, raskajvajusia i liču svoj učynak niedapuščalnym. Ciapier ja viedaju, nakolki važnyja atrybuty Śviatoha Vialikadnia. Ja viernica, chadžu ŭ carkvu. Maja siamja — moj baćka, moj brat — źjaŭlajucca členami SVA<>. Ja prašu pakarańnia ŭ vyhladzie štrafu», — skazała jana.
Adnak sudździ paličyli matyvy dziaŭčyny «demanstratyŭna ździeklivymi» i pryznačyli realnaje pazbaŭleńnie voli. iPhone, ź jakoha ŭ sacyjalnuju sietku byŭ zahružany videarolik z kaljanami na kuličy, kanfiskavali.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ13
Kamientary