Zakryłasia piceryja, jakuju italjaniec adkryŭ u vioscy Kryvaja Biaroza
U Smalavickim rajonie spyniaje pracu piceryja «Papača Pica», adkrytaja ŭ 2025 hodzie italjanskim restarataram Paała Viene. Na sajcie ŭstanovy ciapier źjaviłasia paviedamleńnie, što jana «zakrytaja nazaŭsiody», piša Office Life.
Paała Viene pracuje ŭ restarannaj śfiery z 1988 hoda. Jahonaja piceryja znachodziłasia ŭ vioscy Kryvaja Biaroza Smalavickaha rajona. U mieniu byli pica, tyramisu i inšyja stravy italjanskaj kuchni.
Pavodle infarmacyi ŭ sacyjalnych sietkach ustanovy, ciapier uładalnik šukaje inviestaraŭ i partnioraŭ dla adkryćcia novaj piceryi. Kali znajści padtrymku nie ŭdasca, jon płanuje viarnucca ŭ Italiju.
Na pytańni naviednikaŭ pra mahčymaść zakazać picu pradstaŭniki ŭstanovy adkazvajuć, što takaja mahčymaść užo adsutničaje.
U pačatku červienia Ministerstva antymanapolnaha rehulavańnia i handlu pryznała nienaležnaj rekłamu «Papača Pica». Pretenzii datyčylisia śćviardžeńniaŭ «My hatujem najlepšuju picu ŭ vašym horadzie» i «Najlepšy italjanski šef-povar picy». Viedamstva paličyła, što takija zajavy stvarajuć uražańnie ab pieravahach pradukcyi i jaje vytvorcy biez dakumientalnaha paćviardžeńnia, i vydała pradpisańnie spynić raspaŭsiudžvańnie hetaj rekłamy.
Ciapier čytajuć
ZŠA paviedamili, što vyzvaleńnie palitviaźniaŭ u Biełarusi «adkładzienaje na niekatory čas»21
ZŠA paviedamili, što vyzvaleńnie palitviaźniaŭ u Biełarusi «adkładzienaje na niekatory čas»
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary
Tamu technična jon mieŭ racyju ŭ svajoj rekłamie.