Zbornaja Biełarusi pa futbole zhulała ŭničyju sa zbornaj Burkina-Faso ŭ tavaryskim matčy, jaki adbyŭsia 9 červienia na Nacyjanalnym futbolnym stadyjonie ŭ Minsku. Sustreča zaviaršyłasia ź likam 2:2.
U pieršym tajmie krychu bolš aktyŭna vyhladali hości, jakija stvaryli niekalki niebiaśpiečnych momantaŭ. Adnak paśla pierapynku biełaruskaja kamanda zdoleła pierachapić inicyjatyvu.
Na 56‑j chvilinie lik adkryŭ Uładzisłaŭ Malkievič. Praz adzinaccać chvilin pieravahu haspadaroŭ pavialičyŭ Karen Vardanian. Zdavałasia, što pieramoha ŭžo ŭ kišeni, adnak zbornaja Burkina-Faso zdoleła pierałamić chod hulni. Na 73‑j chvilinie adzin miač adyhraŭ Maiz Kabare, a na 85‑j chvilinie Edmon Tapsaba zraŭniaŭ lik.
Prytym usio mahło b skončycca i horš: u kancy sustrečy bramnik biełaruskaj zbornaj Pavieł Paŭlučenka niekalki razoŭ vyratavaŭ kamandu paśla niebiaśpiečnych atak sapiernika.
Hety matč, jaki naviedali 15 875 hledačoŭ, byŭ pieršym pad kiraŭnictvam hałoŭnaha treniera Viktara Hančarenki, u jakim biełaruskaja zbornaja nie zdoleła pieramahčy. Da hetaha kamanda vyjhrała ŭ zbornych Kipra (1:0), Armienii (2:1) i Siryi (4:1).
Nastupnyja aficyjnyja matčy zbornaja Biełarusi praviadzie vosieńniu ŭžo ŭ ramkach Lihi nacyj. 26 vieraśnia biełarusy sustrenucca sa zbornaj Ałbanii, a 29 vieraśnia — sa zbornaj Finlandyi.
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary