1. Мама Му ў бассейне. Юя Вісландэр. У перакладзе са шведскай Надзеі Кандрусевіч
Чарговыя прыгоды талерантнай і паліткарэктнай каровы і яе сябра, хвалько і нахабы Крумкача. Ясна, для сучасных дзетак. Блізкасць Калядаў пасунула на другое месца нават нобелеўскую лаўрэатку, каб падняць гэтую кнігу на нашу вершаліну.
2. Час Second-Hand. Канец чырвонага чалавека. Святлана Алексіевіч. У перакладзе з расійскай Валерыя Стралко і Ціхана Чарнякевіча
Беларусы былі падрыхтаваныя да Нобелеўскай прэміі, як ні круці. Літаратура факту.
3. Heta Belarus, Dzietka! Маша Чаракова і Марта Чарнова
Дзве беларускі надта доўга жылі па-за межамі Бацькаўшчыны і ўсё пазабывалі: нашу ветлівасць, чысціню, паліткарэктнасць і прынцып аднаго акна. Цяпер пакутліва ўспамінаюць. Выйшла іранічна і дасціпна. Па-беларуску і ангельску.
4. Дзве душы. У чым яго крыўда? Максім Гарэцкі
«Дзве душы» — класічны твор несавецкай беларускай літаратуры пра падзеі Першай сусветнай. Дарэчы, тэма падвойнасці беларусаў зацікавіла еўрапейцаў – летась гэтая аповесць была выдадзена па-нямецку ў перакладзе Норберта Рандаў.
5. «Доля праўды». Зыгмунт Мілашэўскі. У перакладзе з польскай Марыны Казлоўскай
«Доля праўды» – гэта не толькі інтрыгоўны дэтэктыў. Гэты раман — адлюстраванне жыцця сучаснай еўрапейскай краіны, грамадзяне якой спрабуюць весці балючы, але патрэбны дыялог наконт свайго не заўжды гладкага і ціхамірнага мінулага. Дыялог, тэмамі якога робяцца фашысцкая акупацыя, камуністычны рэжым, а таксама нацыяналістычная прапаганда.
6. Партрэт стагоддзя. Яўген Ціхановіч
Захапляльныя, хоць і не пазбытыя тэндэнцыйнасці, мемуары аднаго з самых вядомых беларускіх мастакоў. Пра ператрус у Якуба Коласа, пра прымусовую леніянаду ў беларускім мастацтве. Пад рэдакцыяй Сяргея Дубаўца і Сяргея Харэўскага.
7. Сем Ружаў. Надзея Ясмінска. Ілюстратар Кацярына Дубовік
Проста шалёна прыгожая кніжка для дзетак з чароўнымі казкамі ў дадатак.
8. З’яўленне інфанты. Людміла Рублеўская
Зборнік вершаў, аздоблены адмысловым «Бестыярыем майго савецкага дзяцінства»: вожыкі, бегемоты, Чорная рука, Мюба-юмба. Іранічная дэканструкцыя міфаў.
9. «Хвілінка. Тры гісторыі». Ігар Бабкоў.
Пяты сезон прэміі Гедройца на найлепшую прозу афіцыйна распачаўся. Пераможцы папярэдніх гадоў зноў у фокусе.
10. Гісторыі (пра Мінск і яго ваколіцы). Адам Глобус
Гарадскія легенды.
Удакладніць актуальную колькасць і кошт кніг можна па тэлефоне (17) 2906306 альбо задаўшы пытанне на старонцы Кнігарні ў фэйсбуку.
***
Топ-10 самых купляных кніг у кнігарні «Логвінаў» за кастрычнік
Топ-10 самых купляных кніг у кнігарні «Логвінаў» за верасень
Топ-10 самых купляных кніг у кнігарні «Логвінаў» за жнівень
Топ-10 самых купляных кніг у кнігарні «логвінаЎ» за май
Топ-10 самых купляных кніг у кнігарні «логвінаЎ» за красавік
Топ-10 самых купляных кніг у кнігарні «логвінаЎ» за чэрвень
Комментарии