Сын гродзенскага ваенкама вучыцца ў інстытуце ФСБ і ездзіць на машыне са сцягам «Наваросіі»
Гэтая машына са сцягам г.зв. «Наваросіі» за лабавым шклом належыць Аляксею Кучару, гродзенскаму хлопцу, які вучыцца ў інстытуце пагранічнай службы ФСБ Расіі.
Бацька Аляксея — былы дэпутат Ашмянскага раённага савета дэпутатаў і дзейны начальнік накіравання прызыву на вайсковую службу ў ваенным камісарыяце Гродзенскай вобласці, палкоўнік Сяргей Кучар.
Некалькі гадоў таму ягоны сын паступіў на вучобу ў Маскву. Відаць, там ідэй «Рускага свету» Аляксей і нахапаўся.
У тэлефоннай размове Аляксей пацвердзіў, што машына належыць яму. Але хлопец адмовіўся каментаваць сцяг г.зв. «Наваросіі» у салоне, сказаўшы, што не будзе ні перад кім справаздачыцца.
А ў адказ на словы, што ён — будучы беларускі афіцэр і мусіць падтрымліваць афіцыйны курс (Лукашэнка не прызнаў ніякіх «Наваросій»), Аляксей сказаў — «Нічога страшнага, што не прызнаў».
Нядаўна «Наша Ніва» таксама пісала, што ў Гродзенскай вобласці дейнічаюць адразу пяць праваслаўных «вайскова-патрыятычных» клубаў для моладзі, дзе з дзецьмі займаюцца непрыхаваныя носьбіты «Рускага свету».
-
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві
-
«Мне казалі: ты з глузду з'ехаў, які пашпарт, тут Кіеў могуць узяць!» Беларус расказаў, як згубіў ва Украіне дакументы і тры гады не мог з яе выехаць
-
У Добрушы чалавек дабіўся кампенсацыі ад гаспадара аўчаркі, па віне якой ён страціў вока
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары