Улада5858

Калякін: Еўрасаюз – гэта прыгожая казка, але без Расіі мы не выжывем

Старшыня партыі «Справядлівы свет» Сяргей Калякін на канферэнцыі «БелаРускі дыялог» у Маскве выказаўся ў ключы, што інтэграцыя з Расіяй – гэта аб’ектыўны працэс.

«Давайце ўявім сабе, што заўтра кажуць: «Мы інтэграцыю спыняем». Што будзе з Беларуссю праз месяц, калі 80% усёй прадукцыі, якую мы вырабляем, спажывае расійскі рынак і прыблізна 70% сыравіны, якую мы перапрацоўваем, мы атрымліваем з Расіі. Эканамічная інтэграцыя ў бліжэйшы гады нам будзе неабходная для развіцця эканомікі. Усякія мары аб уступленні ў Еўрапейскі Саюз — гэта добра, прыгожа, але гэта пакуль казкі. Еўрасаюз хай пераварыць тое, што ён ужо прыняў да сябе», — сказаў Калякін.

Мы патэлефанавалі Сяргею Калякіну, каб спытацца, ці лічыць ён, што Беларусь не ў стане выжыць без Расіі?

«Безумоўна. Калі мы адмовімся ад расійскага рынку і расійскай сыравіны, то Беларусь памрэ ў вельмі хуткі тэрмін. Так гістарычна склалася. 80% сыравіны мы можам прадаць толькі Расіі, Еўропе яна не патрэбная».

Аднак па афіцыйных звестках на долю Расіі прыходзіцца не 80, а 40% экспарту нашай прадукцыі. На Еўрапейскі Саюз – нават больш.

«Гэта самападман. Гэтыя 60% у значнай ступені складаюцца з перапрацаваных расійскіх нафтапрадуктаў, якія мы экспартуем у ЕС плюс калійныя ўгнаенні. Вось і ўсё. Калі прыбраць нафтавы складнік, то лічбы будуць зусім іншыя. Нафты ж у нас сваёй няма. Можа, я крыху не маю рацыю, але без гэтай нафты каля 70% нашага экспарту ў ЕС лясне».

Што тычыцца магчымасці ўступлення Беларусі ў Еўрапейскі саюз, то Калякін не лічыць свае словы крытыкай.

«Гэта фантастыка. У агляднай будучыні Еўрасаюз больш не прыме ніводную краіну. Гэта добрая мара «Беларусь у ЕС», але ёй не наканавана спраўдзіцца. Каб перайсці нам на стандарты ЕС, нам патрэбна некалькі дзясяткаў гадоў. Я, безумоўна, выступаю за інтэграцыю інтэграцый. Мы не павінны былі ўсе яйкі складваць у адзін кошык. Трэба імкнуцца дыверсіфікаваць свой экспарт, палітыку. Развіццё павінна ісці на неканфрантацыйнай аснове. Аднак я кажу пра сённяшняе жыццё. На жаль, так склалася. Гэта і гістарычны этап – наша жыццё ў Савецкім Саюзе. Там мы ўсё выраблялі не для сябе, а прадавалі вялікай краіне. Пераарыентаваць нашу вытворчасць з Расіі на ЕС проста немагчыма. Калі было б магчыма, то мы даўно прадавалі трактары, аўтамабілі ў Еўропу. Але ж не прадаем».

Каментары58

Цяпер чытаюць

Лукашэнка быў у Маскве без георгіеўскай стужкі. Наяўнасць або адсутнасць стужак падзяліла гасцей парада на дзве групы10

Лукашэнка быў у Маскве без георгіеўскай стужкі. Наяўнасць або адсутнасць стужак падзяліла гасцей парада на дзве групы

Усе навіны →
Усе навіны

«Стаўленне як да скаціны». Прарасійскі блогер расказаў пра 25 сутак ў ІЧУ12

Джэй Дзі Вэнс: Расія на перамовах па Украіне просіць больш за разумнае. Яна не атрымае тэрыторыі, якія нават не захапіла3

Ціханоўская: Вайна ніколі не павінна быць сродкам вырашэння праблем8

Папа Леў XIV: амерыканскі місіянер у Перу, які крытыкаваў віцэ-прэзідэнта ЗША. Што вядома пра новага Папу2

Біл Гейтс вырашыў раздаць амаль усе свае грошы на працягу найбліжэйшых дваццаці гадоў6

Аркадзь Добкін сышоў з кіраўніцтва ЕРАМ? Імаверна, гэта фармальныя перастаноўкі

15 + 15 + 5: Формула атрымання асалоды ад сэксу21

Леў XIV: Бог любіць нас, зло не пераможа1

Хворага амерыканца, які нелегальна заехаў у Беларусь у таварным вагоне, аддалі бацькам1

больш чытаных навін
больш лайканых навін

Лукашэнка быў у Маскве без георгіеўскай стужкі. Наяўнасць або адсутнасць стужак падзяліла гасцей парада на дзве групы10

Лукашэнка быў у Маскве без георгіеўскай стужкі. Наяўнасць або адсутнасць стужак падзяліла гасцей парада на дзве групы

Галоўнае
Усе навіны →

Заўвага:

 

 

 

 

Закрыць Паведаміць