З выбараў тэрмінова здымаецца патомны шляхціц, якога «Наша Ніва» назвала кандыдатам ад вертыкалі
На сайце ЦВК з'явілася паведамленне (удакладненне пад спісам ініцыятыўных груп), што кандыдат у дэпутаты Аляксандр Плавінскі заявіў пра спыненне працы сваёй ініцыятыўнай групы.
Плавінскі збіраўся балатавацца ў Вілейскай акрузе (№74), «Наша Ніва» палічыла яго як работніка Ваеннай акадэміі кандыдатам ад «вертыкалі».
Чаму ж ён тэрмінова адклікаў сваю кандыдатуру?
«Наша Ніва» дазванілася да прэтэндэнта. Той сцвярджае, што не можа працягнуць перавыбарчую гонку праз праблемы са здароўем.
«Праходзіў абследаванне зусім вось нядаўна, і мне параілі ў тэмпе вальса зрабіць аперацыю, — патлумачыў Аляксандр Плавінскі. — Я так прыкінуў, што наўрад ці ачуняю да выбараў. Бо сказалі, што зусім нядобрае там — трэба яшчэ праходзіць абследаванні розныя. Раней неяк на здароўе не звяртаў увагі, а цяпер вось прыпёрла, дык не да выбараў. Буду браць на працы адпачынак і займацца сабой».
Выглядае, што кандыдатам ад вертыкалі ад Вілейскай акругі стане дырэктарка мясцовай гімназіі №1 Наталля Жыбуль.
Наталля
* * *
Дарэчы, Аляксандр Плавінскі — спадчынны шляхціц, сын вілейскага краязнаўцы Стэфана Баляслававіча Плавінскага.
Аляксандр расказаў, што дванаццаць гадоў збіраў інфармацыю пра свой род, у выніку выдаўшы кнігу «500 гадоў роду Плавінскіх».
Цяпер супрацоўнік Ваеннай акадэміі збіраецца напісаць працу па гісторыі роднай Вілейшчыны.
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам20
Каментары