У Карэліцкім раёне ў дачыненні да ВІЧ-інфікаванай маці распачата крымінальная справа па артыкуле «Заражэнне вірусам імунадэфіцыту чалавека», піша СБ.
Сама жанчына хварэе на ВІЧ з 2003 года, але яна ўпэўненая, што дыягназ памылковы. Выяўленая ў яе анкалогія і шэраг іншых хвароб, якія лічацца спадарожнымі ў ВІЧ-інфікаваных людзей, ёю ў разлік не бяруцца. Жанчына называе медыцынскія праверкі пеклам і стараецца засцерагчы ад іх сына і дачку.
Але ж малая дачка жанчыны таксама атрымала дыягназ ВІЧ. Разглядаюцца тры версіі: дзяўчынка магла атрымаць вірус яшчэ ўнутрычэраўна, пры родах ці падчас кармлення грудзьмі.
Дактары Карэліцкай бальніцы кажуць, што жанчына не прывозіць да іх дзіця, каб вызначыцца з лячэннем. Ды і яны не ўпэўненыя, што жанчына будзе даваць неабходныя лекі дачцэ. Каб зрабіць аналізы дзецям, дактары ездзілі да жанчыны з міліцыянтамі, з супрацоўнікамі пракуратуры.
Але ж цяпер жанчына можа сесці на 3 гады. Лёс яе вырашыць суд.
Каментары