У Калінкавічах у краме працавалі супрацоўнікі з сальманелёзам. Праз прадукты заразіліся пакупнікі
У Калінкавічах у краме работнікі з сальманелёзам рабілі салаты на продаж і заразілі пакупнікоў, паведамляе «Гомельская праўда».
9 верасня з прыкметамі вострай кішачнай інфекцыі шпіталізавалі бацьку і сына. Яны распавялі, што напярэдадні елі салату і курыцу-грыль, набытыя ў адной з крамаў буйной гандлёвай сеткі.
Санэпідслужба праверыла краму — і аказалася, што там ёсць як парушэнні ў тэхналогіі прыгатавання салатаў і ўборцы, дык яшчэ і сярод персаналу ёсць хворыя на сальманелёз, а таксама носьбіты гэтага захворвання.
Праца цэха па вытворчасці паўфабрыкатаў прыпыненая. Адміністрацыя крамы прыцягнутая да адміністрацыйнай адказнасці.
Цяпер чытаюць
Беларускую мову на ЦТ выбірае ўсё меншая доля выпускнікоў школ. Калі 20 гадоў таму яе здавала амаль палова, цяпер — толькі кожны шосты7
Каментары