Улада3030

Надзея Ермакова: Мне прапанавалі ўзначаліць Белгазпрамбанк

Былая старшыня Нацбанка Надзея Ермакова можа ўзначаліць Белгазпрамбанк, у які ўчора з ператрусам прыйшлі сілавікі.

«Такая прапанова сапраўды ёсць, мне з банка прапанавалі. Але калі гэта будзе разглядацца, не ведаю», — патлумачыла яна карэспандэнту «НН».

Ермакова запэўніла, што мае атэстацыю, а таму адпавядае фармальным патрабаванням да кіраўніка банка.

Папярэднім старшынёй праўлення Белгазпрамбанка быў Віктар Бабарыка, які цяпер вылучаецца ў прэзідэнты.

Белгазпрамбанк на 99,9% належыць структурам расійскага «Газпрома».

Надзея Ермакова ў 1980-х працавала ў Шклове, дзе і пазнаёмілася з Аляксандрам Лукашэнкам. У 1996 годзе ён паклікаў яе ў Мінск у кіраўніцтва Беларусбанка. На пасадзе старшыні Нацбанка Ермакова запомнілася няўдалымі спробамі перамагчы валютны крызіс 2014 года. Павел Калаўр, які замяніў Ермакову на гэтай пасадзе, вырашыў пытанні за некалькі тыдняў.

Затое Ермакова — адна з нямногіх чыноўніц, якія змаглі пабудаваць адразу два катэджы ў Драздах.

Надзея Ермакова, фота Сяргея Гудзіліна

Чытайце таксама: Яна вырасла ў хаце без электрычнасці, а стала кіраўніцай Нацбанка. Гісторыя жыцця Надзеі Ермаковай

***

Надзея Ермакова нарадзілася 19 красавіка 1953 у вёсцы Разальмоў Хоцімскага раёна. Скончыла Пінскі ўлікова-крэдытны тэхнікум (1971), Беларускі дзяржаўны інстытут народнай гаспадаркі імя Куйбышава (1978).

Працавала ў структурах Беларускай рэспубліканскай канторы Дзяржбанка СССР: у 1971—1979 — у Хоцімскім аддзяленні, у 1979—1983 — намесніца кіраўніка Кіраўскага аддзялення, у 1983—1984 — кіраўніца Шклоўскага аддзялення.

У 1984—1994 працавала ў Шклоўскім райвыканкаме, спачатку намесніцай старшыні, пасля загадчыцай фінансавым аддзелам. У 1994 — кіраўніца шклоўскага філіяла банка «Поўнач-Захад». У 1994—1995 — кіраўніца шклоўскага аддзялення Белаграпрамбанка.

У 1996—2011 — намесніца старшыні праўлення, старшыня праўлення Беларусбанка. У 2011—2014 — старшыня праўлення Нацбанка.

З 1999 — старшыня ГА «Беларускі саюз жанчын».

Двойчы разведзеная, мае дваіх дзяцей.

Каментары30

Трое дарослых загінулі, пяцёра дзяцей у бальніцы — страшная аварыя на Гродзеншчыне

Трое дарослых загінулі, пяцёра дзяцей у бальніцы — страшная аварыя на Гродзеншчыне

Усе навіны →
Усе навіны

Стала вядома, калі ў Мінску перастане смярдзець4

Канцэрт Макса Каржа пачаўся з затрымкай на дзве гадзіны. «Беларусь топ!» — крычаць і ён, і фанаты12

Лінгвістка і былая палітзняволеная Наталля Дуліна распавяла, як праходзіць яе адаптацыя пасля вызвалення3

Еўропа падтрымала адмову Украіны здаваць свае тэрыторыі Пуціну без ягоных саступак3

Полк Каліноўскага больш не бярэ ўдзелу ў штурмах. Чаму так?14

У Варшаве канцэрт Каржа пачынаецца са спазненнем ФОТЫ10

У Маладзечне на паркоўцы кіроўца «Лексуса» пераблытаў педалі і насмерць збіў жанчыну ВІДЭА2

«Прыйдзе час — лёд зноў трэсне, і нешта зноў будзе»5

У Варшаве прайшоў Марш Свабоды ФОТЫ14

больш чытаных навін
больш лайканых навін

Трое дарослых загінулі, пяцёра дзяцей у бальніцы — страшная аварыя на Гродзеншчыне

Трое дарослых загінулі, пяцёра дзяцей у бальніцы — страшная аварыя на Гродзеншчыне

Галоўнае
Усе навіны →

Заўвага:

 

 

 

 

Закрыць Паведаміць