Камуніст Вазняк: Я адзіны чалавек, які быў даверанай асобай у пяці розных кандыдатаў у прэзідэнты
Член цэнтральнага камітэта партыі «Справядлівы свет», адзін з кіраўнікоў «Гавары праўду» Сяргей Вазняк пахваліўся ў фэйсбуку ўнікальным дасягненнем.
Аказалася, ён быў даверанай асобай у пяці розных кандыдатаў у прэзідэнты ў пяці розных выбарчых кампаніях.
Вось якіх кандыдатаў падтрымліваў Вазняк:
- 1994 — Васіль Новікаў
- 2006 — Аляксандр Мілінкевіч
- 2010 — Уладзімір Някляеў
- 2015 — Таццяна Караткевіч
- 2020 — Андрэй Дзмітрыеў
Гомельскі апазіцыянер Віктар Карняенка, які быў намеснікам штаба Мілінкевіча ў 2006 годзе, рэзка адрэагаваў на словы Вазняка: «Такі шматстаночнік. Куды куратары пашлюць, там і арэ. Хоць на пяць, хоць на дзесяць кандыдатаў любых масцяў. Будзёнавак за пазухай навалам! І ў будні і па выхадных, а ў святы ў падвойным памеры такіх трэба як мінімум аплёўваць».
Сяргей Вазняк не пагадзіўся з ім: «Ні за аднаго са сваіх кандыдатаў мне не сорамна. Усе яны змагаліся за тое, каб Беларусь стала дэмакратычнай рэспублікай».
Цяпер чытаюць
Польшча не адкрые мяжы і пасля сканчэння вучэнняў «Захад»18
Каментары