На праўладным мерапрыемстве дыджэі ўрубілі «Перамен!» Цоя ВІДЭА
На праўладным мерапрыемстве, якое праходзіла ў Кіеўскім скверы Мінска, хлопцы з Палаца моладзі, якія стаялі за дыджэйскім пультам, нечакана ўключылі песню Віктара Цоя «Перамен!». Людзі на плошчы жыва адрэагавалі на гэта, пачалі апладзіраваць і выкрыкваць лозунгі.
37-гадовы кіраўнік Цэнтральнага раёна сталіцы Дзмітрый Пятруша нервова спрабаваў спыніць трансляцыю песні. Гэты момант трапіў на відэа:
А далей рэакцыя людзей на мерапрыемстве і лямант Дзмітрыя Пятрушы: «Вы сорвали мероприятие! Милицию сюда!».
І тое самае з трэцяга ракурсу:
Звычайныя работнікі Палаца моладзі Кірыл Галанаў і Улад Сакалоўскі — гэта яны ўключылі музыку «Перамен».
Песня іграла, а яны стаялі ўзняўшы кулакі. На руках у іх былі белыя стужкі.
Пралукашэнкаўскі баяніст Віталь Варанко, які перад тым забаўляў народ у рамках афіцыйнай праграмы, агаломшана стаяў побач.
Вось як гэта было, глядзіце кароткія відэа:
А вось кароткія відэа, якія перадаюць атмасферу каля Кіеўскага сквера і вакол яго пасля гэтага:
Магчыма, дыджэі арыштаваныя. Нумар аднаго з іх недасяжны. Брат другога расказаў «Нашай Ніве», што не можа яго адшукаць.
Апытанка
Цяпер чытаюць
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі9
Каментары