Звальняюць аўтарытэтнага дырэктара музея гісторыі Магілёва Аляксея Бацюкова
З Аляксеем Бацюковым, дырэктарам Музея гісторыі Магілёва, не падаўжаюць кантракт. Апавяшчэнне аб гэтым датуецца 4 студзеня. Дырэктар будзе працаваць на сваёй пасадзе да 16 лютага.
У кастрычніку мінулага года Бацюкоў быў аштрафаваны на 621 рубель за ўдзел у трох акцыях пратэсту.
Бацюкоў кіраваў музеем з 2011 года. Ён быў адным з самых заўважных менеджараў культуры краіны. За гэты час установе ўдалося на ахвяраванні грамадзян і прадпрыемстваў вярнуць у Беларусь і папоўніць сваю калекцыю каштоўнымі артэфактамі. Сярод іх Статут Вялікага Княства Літоўскага. Гэта была ўнікальная падзея для беларускай культуры. «Наша Ніва» назвала тады Аляксея Бацюкова Чалавекам года ў 2012-м.
Раней дырэктар музея разам з шасцю падначаленымі падпісаў адкрыты ліст, у якім асуджалася «нематываваная жорсткасць супрацоўнікаў праваахоўных органаў», і адзначалася, што «грамадзяне не адчуваюць сябе ў бяспецы». Сярод патрабаванняў была адстаўка Лукашэнкі.
Цяпер Бацюкоў адкрыты для прапаноў новай працы і вывучае праграмаванне.
Раней былі звольненыя дырэктар Нясвіжскага палаца і музея-сядзібы «Пружанскі палацык». Па інфармацыі «Нашай Нівы», пераходзіць на іншую працу і дырэктар Нацыянальнага гістарычнага музея Павел Сапоцька.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае24
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары