Адкуль прыйдзе наступны каранавірус? Штучны інтэлект дапамагае знайсці адказ
Каманда брытанскіх навукоўцаў распрацавала камп’ютарны алгарытм, каб высветліць, адкуль можна чакаць з’яўлення новага каранавіруса. Дзякуючы гэтаму ўдалося знайсці нашмат больш патэнцыйных крыніц віруса, чым было вядома раней, піша Бі-Бі-Сі.
Як тлумачыць удзельнік даследвання доктар Маркус Благроўв з Ліверпульскага ўніверсітэта, адзін з шляхоў з’яўлення новага каранавіруса — гэта зліянне і перабудова, якія адбываюцца пры сутыкненні двух ужо існуючых каранавірусаў. Таму ідэя алгарытму простая — навучыць камп’ютар выяўляць вірусы і біялагічныя віды, якія, хутчэй за ўсё, могуць зрабіцца крыніцай такіх працэсаў.
Галоўным этапам у даследаванні брытанцаў было знайсці біялагічныя віды, здольныя быць пераносчыкамі адразу некалькіх вірусаў. Навукоўцы высветлілі, што сярод сысуноў такіх відаў значна больш, чым лічылася раней. Напрыклад, пальмавая куніца і звычайны лістанос здольныя быць пераносчыкамі адпаведна 32 і 68 каранавірусаў. А ў арганізмах відаў кшталту вожыка, труса ці аднагорбага вярблюда вірус кавіду здольны злівацца з іншымі існуючымі каранавірусамі і нараджаць новы вірус.
Навукоўцы спадзяюцца, што ў будучыні медыцына зможа прадухіляць наступныя пандэміі яшчэ да іх пачатку. Немагчыма назіраць адначасова за ўсімі біялагічнымі відамі, але калі вызначыць патэнцыйна небяспечныя — магчыма. Навукоўцы хочуць выйсці на такі ўзровень прагназавання, каб фіксаваць новы каранавірус яшчэ на стадыі яго з’яўлення ў арганізме жывёлы і да таго, як новая хвароба пяройдзе ад жывёл на чалавека.
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары