Прэс-служба Суперлігі Еўропы выступіла з заявай пасля выхаду з праекта англійскіх клубаў.
«Суперліга Еўропы перакананая, што становішча спраў у еўрапейскім футболе патрабуе зменаў. Мы прапануем новы турнір, бо дзейная сістэма не працуе. Наша прапанова нацэлена на тое, каб спорт развіваўся, даючы пры гэтым рэсурсы і стабільнасць для развіцця ўсёй футбольнай піраміды і ў тым ліку дапамагаючы ўсёй футбольнай грамадскасці, якая сутыкнулася з фінансавымі складанасцямі ва ўмовах пандэміі. Таксама ўсе футбольныя групы атрымалі б павялічаныя салідарныя выплаты.
Нягледзячы на сыход англійскіх клубаў, якія былі вымушаныя пайсці на гэта пад ціскам, мы ўпэўненыя, што наша прапанова цалкам адпавядае законам і нормам Еўропы, што і было пацверджана рашэннем суда аб абароне Суперлігі ад дзеянняў трэціх бакоў».
У прэс-службе абяцаюць перафарматаваць праект.
Аб стварэнні Суперлігі Еўропы было абвешчана два дні таму. Клубамі-заснавальнікамі выступілі англійскія «Манчэстэр Юнайтэд», «Манчэстэр Сіці», «Ліверпуль», «Чэлсі», «Арсенал», «Тотэнхэм», іспанскія «Барселона», «Рэал», «Атлетыка», «Ювентус», «Інтэр» і «Мілан». Прэзідэнтам лігі стаў Фларэнціна Перэс, які займае аналагічную пасаду ў «Рэале».
Аднак клубы сутыкнуліся з хваляй негатыву як з боку іншых клубаў, так і з боку фанатаў, кіраўнцітва сваіх лігаў, а УЕФА абяцала прымяніць санкцыі да іх і гульцоў, у прыватнасці, забараніць выступаць за зборныя.
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я4
Каментары