Памятаеце студэнта, які на сустрэчы з Лукашэнкам казаў, што хоча быць прэзідэнтам? Ён цяпер у камандзе Васкрасенскага
У студзені ў БДУ праходзіла сустрэча студэнтаў з Аляксандрам Лукашэнкам. На ёй першакурснік юрфака Павел Гардзяюк амаль гадзіну пытаўся ў Лукашэнкі пра Канстытуцыю і ролю моладзі ў палітыцы. А потым прызнаўся, што мае прэзідэнцкія амбіцыі.
Пасля той сустрэчы дзяржканалы сталі запрашаць студэнта ў эфір. Там Павел выказваўся пра ЦТ, шпатпартыйнасць.
Цяпер Гардзяюк у камандзе Васкрасенскага.
«Ён папрасіўся сам. Працуе ў аргкамітэце па стварэнні партыі «Дэмакратычны саюз», вядзе штотыднёвыя навіны на нашым канале. Апроч таго, ён сябра праваабарончай камісіі, якая разглядае ў тым ліку пытанні памілавання асуджаных», — расказаў Юрый Васкрасенскі.
Цікава, што ў 2019 годзе Павел, тады яшчэ школьнік, заняў з камандай трэцяе месца ў адкрытым турніры па матэматыцы ў Санкт-Пецярбургу. На ўзнагароджанне вучні выйшлі пад бел-чырвона-белым сцягам.
Каментары