Еўрапейскі суд па правах чалавека пастанавіў, што Расія нясе адказнасць за забойства былога супрацоўніка ФСБ Аляксандра Літвіненкі ў Лондане ў 2006 годзе. Пра гэта гаворыцца ў рашэнні па справе ўдавы Літвіненкі Марыны супраць Расіі.
Getty
ЕСПЧ палічыў, што Расія парушыла другі артыкул Еўрапейскай канвенцыі па правах чалавека (права на жыццё). Суд абавязаў Расію выплаціць удаве Літвіненкі кампенсацыю 100 тысяч еўра, а таксама аплаціць судовыя выдаткі на 22,5 тысячы еўра.
Удава Аляксандра Літвіненкі, якая ў лістападзе 2020 года звярнулася з пазовам у ЕСПЧ, патрабавала, каб Расія выплаціла кампенсацыю 3,5 мільёна еўра.
Былы супрацоўнік ФСБ Аляксандр Літвіненка загінуў у Лондане 23 лістапада 2006 года. Тады пісалася, што яго атруцілі палоніем-210.
Цяпер чытаюць
Вызвалілі палітзняволеную маці чатырох дзяцей. Яе мужу прысудзілі 24 гады калоніі2
Каментары