Зміцер Дашкевіч прапанаваў правесці «Ноч расстраляных паэтаў» у іншым фармаце
29 кастрычніка 1937 года ў Курапатах былі расстраляныя больш за 100 прадстаўнікоў беларускай культуры. Апошнія гады там праходзілі мемарыяльныя мерапрыемствы, калі беларусы збіраліся і ўшаноўвалі памяць расстраляных, чытаючы іх вершы.
Грамадскі дзеяч Зміцер Дашкевіч прапанаваў сёлета змяніць фармат акцыі, паколькі ў сённяшніх умовах небяспечна ладзіць нейкія мерапрыемствы.
«29 кастрычніка мы чарговы раз будзем згадваць чорную ноч у гісторыі Беларусі — расстрэл камуністамі за адну толькі ноч больш за ста грамадскіх дзеячаў, сярод якіх былі 22 пісьменьнікі. Такога злачынства, кажа Уладзімір Арлоў, не ведае гісторыя ніводнай Еўрапейскай дзяржавы. (…) Хацелася б 29 кастрычніка сустрэцца ў Курапатах — і, згадваючы нявінна забітых, разважыць пра тое разам. Ды сем злейшых сіл духаў (адсылка да Евангелля) так узбясіліся, што і гэтага ўжо не зробіш.
Але 29 кастрычніка запрашаю кожнага на сваім месцы згадаць «Ноч расстраляных паэтаў»: пад хэштэгам #Ночпаэтаў запішыце верш, прачытайце твор, паразважайце пра прычыны таго, што з намі адбывалася і адбываецца», — напісаў Зміцер Дашкевіч.
Лукашэнка падзякаваў Сталіну. А што той насамрэч зрабіў з беларусамі?
Цяпер чытаюць
Дэпутат Клішэвіч стаў кандыдатам гістарычных навук з дысертацыяй пра разлажэнне беларускага камсамола ў часы «перабудовы»2
Каментары