У Мазыры настаўніцу — маці дзвюх школьніц — асудзілі на 2 гады калоніі за допісы ў тэлеграме
Мазырскі раённы суд у закрытым рэжыме разгледзеў крымінальную справу 36-гадовай Ірыны Гарашынай.
Мітынг у Мазыры ў жніўні 2020 года
Раней Ірына Гарашына працавала настаўніцай. Яе абвінавацілі ў «масавых беспарадках» (артыкул 342) і «незаконных дзеяннях у дачыненні да інфармацыі аб прыватным жыцці і персанальных звестак» (артыкул 203-1), паведамляе Радыё Свабода.
8 лістапада суд вынес рашэнне пазбавіць Гарашыну свабоды на 2 гады, з адбываннем пакарання ў калоніі агульнага рэжыму і даць ёй штраф памерам 50 базавых велічынь (1450 рублёў).
У жанчыны засталіся дома дзве дочкі, 7 і 15 гадоў.
Яе затрымалі 24 жніўня. Ірыну Гарашыну абвінавацілі ў тым, што яна пакідала допісы ў тэлеграм-канале «Мазыр 97», які прызналі экстрэмісцкім.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары