Міністр аховы навакольнага асяроддзя Ізраіля Тамар Зандберг назвала цяперашнюю жураўліную эпідэмію самай сур'ёзнай шкодай для дзікай прыроды ў гісторыі краіны, піша Associated Press.
Каля пяці тысяч журавоў штогод пралятаюць Ізраіль на шляху ў Афрыку, а нейкая колькасць застаецца там на ўсю зіму. Сёлета ў Ізраілі зімуюць каля 30 тысяч гэтых птушак.
Ізраільскія СМІ апублікавалі фатаграфіі рабочых у белых ахоўных касцюмах, якія збіраюць трупы журавоў. Ярон Міхаэлі, прадстаўнік запаведніка Хула-Лэйк, дзе ў асноўным знаходзіцца папуляцыя журавоў, сказаў, што работнікі імкнуцца збіраць трупы як мага хутчэй, баючыся, што яны могуць заразіць іншых птушак.
Лічыцца, што эпідэмія сярод журавоў пачалася ад кантакту з меншымі птушкамі, якія, у сваю чаргу, падхапілі хваробу на птушкафермах. Прэс-сакратар Міністэрства сельскай гаспадаркі Дафна Юрыста паведаміла, што паўмільёна курэй у гэтым раёне забіваюць, каб прадухіліць распаўсюджванне хваробы.
Міністр аховы навакольнага асяроддзя Ізраіля Тамар Зандберг назвала цяперашнюю сітуацыю самай сур'ёзнай шкодай для дзікай прыроды ў гісторыі краіны. Яе памер будзе ўдакладняцца.
Сярод іншых у Ізраілі могуць зімаваць і журавы з Беларусі.
Цяпер чытаюць
У Мінску прадаюць дом на вадзе. Колькі просяць за незвычайны аб'ект на Чыжоўскім вадасховішчы?3
Каментары