Беларуская фрыстайлістка Ганна Гуськова выйграла срэбраны медаль на Алімпіядзе ў Пекіне. Яна паказала ў суперфінале выдатны скачок з вынікам 107,95.
Золата выйграла кітаянка Сю Мінтаа з вынікам 108,61.
«Калі стала ў ногі, пасля вырашальнага скачка, зразумела, што зрабіла ўсё што магла. Адзначу, што гэты скачок апошні раз скакала ў Пхёнчхане, чатыры гады таму, эмоцыі перапаўнялі. Выдатна!!! Рашэнне выконваць такі складаны скачок прынялі ўжо на схіле, калі пасля другой спробы зразумела, што трэба ісці ва-банк [пасля двух фінальных спробаў Ганна была пятая]. Была ўпэўненая ў сваіх сілах, вядома, складана было яго зрабіць, бо ў мяне ён быў толькі ў галаве» — пракаментавала фрыйсталістка АНТ.
Нагадаем, што Ганна выйграла таксама залаты медаль на Алімпіядзе ў Пхёнчхане. І наогул фрыстайлісты заваёўваюць медалі на кожнай Алімпіядзе з 1998 года.
***
На Гульнях-2022 у беларусаў пакуль два медалі: сённшняе срэбра Ганны Гуськовай і срэбра Антона Смольскага ў біятлоне.
Фінал у мужчын-фрыстайлістаў пройдзе ў сераду (фінал а 13-й па мінскім часе).
У аўторак у Пекіне — мужчынская біятлонная эстафета (пачатак у 8:30 па мінскім часе), у сераду — эстафета ў жанчын (9:45).
Цяпер чытаюць
Бізнэсовец родам з Бабруйска адмовіцца ад свайго гіганцкага аўстралійскага заробку дзеля шанцу атрымаць $35 мільёнаў3
Каментары