Грамадства

На граніцы з Польшчай і Літвой вярнуліся велізарныя чэргі з легкавікоў. Колькі часу займае перасячэнне мяжы?

Пакуль тысячы фур застаюцца ў чэргах на выезд з Літвы ў Беларусь, на мяжы з ЕС пачалі ўтварацца таксама вялікія чэргі з легкавых аўто. Такога патоку не было з часоў увядзення кавідных абмежаванняў.

Кузніца-Брузгі. Чарга з Польшчы ў Беларусь. Ілюстрацыйнае фота

Па стане на 10 раніцы 19 красавіка, у чарзе на выезд з Беларусі ў Польшчу на пагранічным пераходзе «Бераставіца-Баброўнікі» сабралася больш за 200 легкавых аўто. Аналагічная сітуацыя назіраецца з другой паловы дня панядзелка. 

Беларусы, якія жывуць у Беластоку, таксама адзначаюць, што апошнім часам у горадзе значна пабольшала аўто на беларускіх нумарах. Іх найбольшая канцэнтрацыя назіраецца побач з рынкамі і гандлёвымі цэнтрамі.

Верагодна, што велізарныя чэргі на «Бераставіцы» збіраюцца, бо пагранічны пераход «Брузгі-Кузніца» дагэтуль застаецца закрытым па ініцыятыве польскага боку. Закрыцце пагранпераходу было рэакцыяй на спробу мігрантаў штурмаваць мяжу. 

З польскага боку таксама збіраюцца вялікія чэргі. У 12 гадзін панядзелка чарга на выезд з Польшчы ў Беларусь расцягнулася на 1,5 кіламетра. Людзі ў чатах пішуць, што ў нядзелю і панядзелак праводзілі на мяжы па 14-18 гадзін, каб вярнуцца ў Беларусь.

«Стаім ужо чатыры гадзіны на выезд з Польшчы і нават да шлагбаума не даехалі», — пісалі ў чаце ўчора каля 18 гадзін.

У чэргах стаіць шмат аўто з польскай рэгістрацыяй. 

Па стане на раніцу 19 красавіка, на пераходзе «Брэст-Цярэспаль» у чарзе на выезд стаіць больш за сто легкавых аўто. На гэтым пераходзе гэта ўжо не першы выпадак, калі пасля зняцца кавідных абмежаванняў дзвюма краінамі збіраецца вялізная чарга на выезд з Беларусі.

А вось на беларуска-літоўскай мяжы чэргі з легкавых аўто ў бок Літвы пачалі з’яўляцца толькі з панядзелка — праз два дні пасля таго, як Беларусь часова ўвяла бязвізавы ўезд для грамадзян Латвіі і Літвы. Найбольшыя чэргі назіраюцца ў пунктах пропуску «Каменны Лог» і «Беняконі».

У пікавыя гадзіны там на выезд з Беларусі ў Літву чакаюць больш за 70 легкавікоў.

На мяжы з Латвіяй чэргаў няма. 

Чытайце таксама:

«Без асаблівай рызыкі можна атрымаць каля 100 даляраў». Колькі цяпер зарабляюць на перавозцы паліва і цыгарэт у Польшчу і Літву

Літва прапусціць грузавікі беларускіх перавозчыкаў, калі яны стануць на выезд да поўначы 16 красавіка. У ЕС захраслі тысячы фур

Каментары

Цяпер чытаюць

Як за дарагую клініку для Лукашэнкі купілі права на забудову цэнтра Мінска6

Як за дарагую клініку для Лукашэнкі купілі права на забудову цэнтра Мінска

Усе навіны →
Усе навіны

Міліцыя абвяргае, што ў гібелі катоў у Мінску вінаваты скуралуп3

У Мінску неўзабаве адкрыецца музей піва1

Трамп увёў для іншаземцаў «залатую карту» за $100 тысяч4

Міністарка абароны Літвы заклікала збіваць расійскія знішчальнікі14

У цэнтры Скідзеля лось прабраўся ў двор і з'еў усе буякі4

Украінскі футбаліст, адхілены ад футболу з-за допінгу, збіраецца паўдзельнічаць у будучай Алімпіядзе ў іншай іпастасі1

Украінцы ўдарылі па НПЗ у Саратаўскай і Самарскай абласцях Расіі

«Шкада, што людзі мяне лічаць такім ідыётам». Дзядок расказаў, як яго змаглі высачыць пасля пяці месяцаў падполля11

На матч медыялігі ў Мінску прададзена 27 тысяч квіткоў2

больш чытаных навін
больш лайканых навін

Як за дарагую клініку для Лукашэнкі купілі права на забудову цэнтра Мінска6

Як за дарагую клініку для Лукашэнкі купілі права на забудову цэнтра Мінска

Галоўнае
Усе навіны →

Заўвага:

 

 

 

 

Закрыць Паведаміць